പാരീസ്: വാക്സിന് സ്വീകരിച്ച ചിലരില് രക്തം കട്ടപിടിക്കുന്നു എന്ന റിപ്പോര്ട്ടിന്റെ അടിസ്ഥാനത്തില് ആസ്ട്രസെനകയുടെ കോവിഡ് പ്രതിരോധ വാക്സിന് വിതരണം ഇറ്റലിയും ജര്മനിയും ഫ്രാന്സും തല്ക്കാലത്തേക്ക് നിര്ത്തിവെച്ചു.
വാക്സിന് സ്വീകരിച്ച ചിലരില് അപകടകരമായ രീതിയില് രക്തം കട്ടപിടിച്ചുവെന്ന് റിപ്പോര്ട്ടുകള് പുറത്ത് വന്നിരുന്നു. അതേസമയം വാക്സിന് എതിരായ ആരോപണത്തിന് തെളിവുകളില്ലെന്ന് കമ്പനിയും യൂറോപ്യന് റെഗുലേറ്റേഴ്സും പ്രതികരിച്ചു.
റിപ്പോർട്ടുകളുടെ അടിസ്ഥാനത്തിൽ ഡെന്മാര്ക്ക് ആണ് ആസ്ട്രസെനക്ക കോവിഡ് വാക്സിന്റെ വിതരണം ആദ്യമായി നിര്ത്തിവെച്ചത്. പിന്നാലെ നെതര്ലന്ഡ്സ്, അയര്ലന്ഡ്, നോര്വേ, ഐസ്ലാന്ഡ്, കോംഗോ, ബള്ഗേറിയ തുടങ്ങിയ രാജ്യങ്ങളും ആസ്ട്രസെനകയുടെ വാക്സിന് വിതരണം നിര്ത്തിവെച്ചിരുന്നു.
ആസ്ട്രസെനക വാക്സിന് വിതരണം തല്ക്കാലത്തേക്ക് നിര്ത്തി വെക്കുന്നുവെന്ന കാര്യം തിങ്കളാഴ്ചയാണ് ഫ്രഞ്ച് പ്രസിഡണ്ട് ഇമ്മാനുവല് മാക്രോണ് അറിയിച്ചത്. യൂറോപ്യന് മെഡിസിന് ഏജന്സി(ഇഎംഎ)യുടെ തീരുമാനത്തിന് അനുസരിച്ചാകും വിതരണം പുനഃരാരംഭിക്കണോ എന്ന് തീരുമാനിക്കുകയെന്നും അദ്ദേഹം കൂട്ടിച്ചേര്ത്തു.
ഇന്ന് ഉച്ചക്ക് ശേഷമായിരിക്കും ഇഎംഎ വിഷയത്തിലെ തീരുമാനം പ്രഖ്യാപിക്കുക. മുന്കരുതല് എന്ന നിലയിലും താല്ക്കാലികവുമായാണ് ആസ്ട്രസെനക വാക്സിന് വിതരണം നിര്ത്തിവെച്ചതെന്ന് ഇറ്റാലിയന് മെഡിസിന് അതോറിറ്റിയും വ്യക്തമാക്കി.
Kerala News: ഐഎസ് റിക്രൂട്ട്മെന്റ് കേസ്; മൂന്ന് മലയാളികൾ പിടിയിൽ