ധന്‍ബാദ്: ജാര്‍ഖണ്ഡിലെ ധന്‍ബാദിൽ മുക്‌തിമോര്‍ച്ച നേതാവിനേയും ഭാര്യയേയും വീട്ടിനുള്ളില്‍ കൊല്ലപ്പെട്ട നിലയില്‍ കണ്ടെത്തി. മുക്‌തിമോര്‍ച്ച നേതാവ് ശങ്കര്‍ റവാണിയെയും ഭാര്യ ബാലികാ ദേവിയെയുമാണ് അജ്ഞാത സംഘം വീട്ടില്‍ കയറി വെടി വെച്ച് കൊലപ്പെടുത്തിയത്.
ഇരുവരുടെയും മൃതദേഹങ്ങളില്‍ ബുള്ളറ്റിന് പുറമെ കത്തിക്കുത്തേറ്റ ആഴത്തിലുള്ള മുറിവുകളുമുണ്ടെന്ന് സീനിയര്‍ പോലീസ് സൂപ്രണ്ട് വിക്രാന്ത് മിന്‍സ് പറഞ്ഞു. കുറ്റവാളികള്‍ കൊലപാതകത്തിന് ശേഷം വീടിന്റെ വാതില്‍ പുറത്തുനിന്ന് പൂട്ടിയിരുന്നതായും അദ്ദേഹം പറഞ്ഞു.
പ്രതികളെ പിടിക്കൂടാന്‍ ഊര്‍ജിത ശ്രമം തുടങ്ങിയതായി സീനിയര്‍ പോലീസ് സൂപ്രണ്ട് കൂട്ടിച്ചേര്‍ത്തു.
Read Also: ലോകത്ത് 2.9 കോടി സ്‌ത്രീകള്‍ ആധുനിക അടിമകളെന്ന് റിപ്പോര്‍ട്ട്
