ബെംഗളൂരു: കന്നഡ നടനും യൂട്യൂബറുമായ വജ്ര സതീഷിനെ(36) ബെംഗളൂരുവിലെ വീട്ടിൽ കുത്തേറ്റ് മരിച്ച നിലയിൽ കണ്ടെത്തിയ സംഭവത്തിൽ സതീഷിന്റെ ഭാര്യാ സഹോദരൻ സുദർശൻ ഉൾപ്പടെ രണ്ടു പേരെ പോലീസ് അറസ്റ്റ് ചെയ്തു.
ആർആർ നഗർ പട്ടണഗെരെയിലെ വീട്ടിൽ വെച്ചായിരുന്നു സംഭവം. വയറ്റിലും കഴുത്തിലും കുത്തേറ്റ നിലയിൽ ആയിരുന്നു സതീഷിന്റെ മൃതദേഹം.
ഏഴ് മാസം മുൻപാണ് സതീഷിന്റെ ഭാര്യ മരിച്ചത്. കൃത്യ സമയത്ത് ചികിൽസ നൽകാതിരുന്നതാണ് മരണത്തിന് കാരണമായതെന്ന് ഭാര്യയുടെ വീട്ടുകാർ ആരോപിച്ചിരുന്നു. ഇതേത്തുടർന്നാണ് സതീഷിനെ കൊലപ്പെടുത്താൻ സുദർശൻ തീരുമാനിച്ചതെന്ന് പോലീസ് പറയുന്നു. സുഹൃത്തായ നാഗേന്ദ്രയുടെ സഹായത്തോടെയാണ് കൊല നടത്തിയതെന്നും പോലീസ് അറിയിച്ചു.
Most Read: അവയവമാറ്റം വൈകി, രോഗി മരിച്ചു; മെഡിക്കൽ കോളേജിനെതിരെ പരാതി