ന്യൂഡെൽഹി: ബിജെപി നേതാവ് കപിൽ മിശ്രക്കെതിരായ മാനനഷ്‌ട കേസ് തീർപ്പാക്കി. കപിൽ മിശ്ര നിരുപാധികം മാപ്പ് പറഞ്ഞതിനെ തുടർന്നാണ് കേസ് കോടതി റദ്ദാക്കിയത്. ഡെൽഹി ആരോഗ്യമന്ത്രി സത്യേന്ദ്ര ജെയിനാണ് കപിൽ മിശ്രക്കെതിരെ മാനനഷ്‌ട കേസ് നൽകിയത്.
ഡെൽഹി മുഖ്യമന്ത്രി അരവിന്ദ് കെജ്‌രിവാളിനും സത്യേന്ദ്ര ജെയിനിനുമെതിരായി കപിൽ മിശ്ര 2017ൽ നടത്തിയ മോശം പരാമർശങ്ങൾക്ക് എതിരെയായിരുന്നു കേസ് നൽകിയിരുന്നത്. കോടതിയിൽ നിരുപാധികം മാപ്പ് അപേക്ഷിക്കാൻ തയാറായതിനെ തുടർന്ന് കപിൽ മിശ്രക്ക് എതിരായ കേസ് റദ്ദാക്കുകയാണെന്ന് അഡീഷണൽ ചീഫ് മജിസ്‌ട്രേറ്റ് വിശാൽ പഹുജ അറിയിച്ചു.
മാപ്പ് അപേക്ഷിക്കാമെന്ന് കപിൽ മിശ്ര കോടതിയെ അറിയിച്ചിട്ടുണ്ട്. മിശ്ര മാപ്പ് പറയുകയാണെങ്കിൽ കേസ് പിൻവലിക്കാമെന്ന് സത്യേന്ദ്ര ജെയിനും വ്യക്‌തമാക്കിയിട്ടുണ്ട്‌. ഈ സാഹചര്യത്തിലാണ് കേസ് റദ്ദാക്കുന്നതെന്ന് മജിസ്‌ട്രേറ്റ് അറിയിച്ചു.
അരവിന്ദ് കെജ്‌രിവാളിന് ലഭിച്ച 20 കോടിയുടെ കൈക്കൂലി പണം കൈകാര്യം ചെയ്യുന്നത് ഡൽഹി ആരോഗ്യമന്ത്രിയായ സത്യേന്ദ്ര ജെയിനാണെന്നായിരുന്നു കപിൽ മിശ്രയുടെ പരാമർശം.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
