തിരുവനന്തപുരം: കോവിഡ് വാക്സിന് ഈ മാസം തന്നെ ലഭ്യമാകുമെന്നാണ് പ്രതീക്ഷിക്കുന്നതെന്ന് മുഖ്യമന്ത്രി പിണറായി വിജയന്‍. വാക്സിന് വിതരണത്തില്‍ ആരോഗ്യ പ്രവര്‍ത്തകര്‍ക്കാണ് മുന്‍ഗണന നല്‍കുക. ഇതിന് ശേഷമാകും മറ്റുള്ളവര്‍ക്ക് വാക്സിന് ലഭ്യമാക്കുക.
അതേസമയം, ഓക്‌സ്‌ഫഡ് സര്‍വകലാശാലയും ആസ്ട്ര സെനക്കയും ചേര്‍ന്നു വികസിപ്പിച്ച് ഇന്ത്യയില്‍ സെറം ഇന്‍സ്‌റ്റിറ്റ്യൂട്ട് നിര്‍മിക്കുന്ന കോവിഷീല്‍ഡ് വാക്‌സിന്റെ അടിയന്തര ഉപയോഗത്തിന് വിദഗ്ധ സമിതി അനുമതി നല്‍കി. വാക്സിന് ഡ്രഗ്‌സ് കണ്‍ട്രോളര്‍ ജനറലിന്റെ അനുമതി ഉടന്‍ ലഭ്യമായേക്കുമെന്നാണ് ലഭിക്കുന്ന വിവരം.
ഡ്രഗ്‌സ് കണ്‍ട്രോളര്‍ ജനറലിന്റെ അനുമതി ലഭിക്കുന്നതോടെ രാജ്യത്ത് വാക്സിന് വിതരണത്തിന് തുടക്കമാവും. ഇന്ന് ചേര്‍ന്ന നിര്‍ണായക യോഗത്തിന് പിന്നാലെയാണ് ഇത് സംബന്ധിച്ച സൂചനകള്‍ പുറത്തുവരുന്നത്. നാളത്തൈ ഡ്രൈ റണ്ണിന് ശേഷം അന്തിമ പ്രഖ്യാപനം ഉണ്ടാകുമെന്നാണ് പുറത്തുവരുന്ന റിപ്പോര്‍ട്ടുകള്‍ വ്യക്‌തമാക്കുന്നത്.
Read Also: പ്രതീക്ഷ; രാജ്യത്ത് കോവിഷീല്‍ഡ് ഉപയോഗത്തിന് വിദഗ്ധ സമിതിയുടെ അനുമതി
