തിരുവനന്തപുരം: സംസ്ഥാനത്ത് ഇന്ന് രോഗമുക്തി നേടിയത് 2058 പേരാണ്. ആകെ രോഗബാധ 3402 സ്ഥിരീകരിച്ചപ്പോള് മരണ സംഖ്യ 12 ആണ്. സമ്പര്ക്ക രോഗികള് 3120 ഇന്നുണ്ട്. തിരുവനന്തപുരം ജില്ലയില് നിന്ന് മാത്രം 531 പേര്ക്ക് രോഗം സ്ഥിരീകരിച്ചു. ഇന്ന് പുതുതായി 23 ഹോട്ട് സ്പോട്ടുകള് മാത്രമാണ് നിലവില് വന്നത്.
ആകെ രോഗ ബാധിതരുടെ ജില്ല തിരിച്ചുള്ള കണക്ക്;
കാസർഗോഡ്: 270
കണ്ണൂർ: 251
വയനാട്: 77
കോഴിക്കോട്: 330
മലപ്പുറം: 201
പാലക്കാട്: 131
തൃശ്ശൂർ: 323
എറണാകുളം: 276
ആലപ്പുഴ: 240
കോട്ടയം: 196
ഇടുക്കി: 24
പത്തനംതിട്ട: 190
കൊല്ലം: 362
തിരുവനന്തപുരം: 531
ഇന്ന് കോവിഡില് നിന്ന് മുക്തി നേടിയവരുടെ കണക്ക്; തിരുവനന്തപുരം 613, കൊല്ലം 323, പത്തനംതിട്ട 116, ആലപ്പുഴ 83, കോട്ടയം 91, ഇടുക്കി 24, എറണാകുളം 105, തൃശൂര് 145, പാലക്കാട് 87, മലപ്പുറം 150, കോഴിക്കോട് 88, വയനാട് 25, കണ്ണൂര് 67, കാസര്ഗോഡ് 141. ഇനി ചികിത്സയിലുള്ളത് 24,549. ഇതുവരെ ആകെ 70,921 പേര് കോവിഡില് നിന്നും മുക്തി നേടി.
ആകെ 3402 രോഗബാധിതരില്, രോഗം സ്ഥിരീകരിച്ച 46 പേര് വിദേശ രാജ്യങ്ങളില് നിന്ന് വന്നവരാണ്. ഇതര സംസ്ഥാനങ്ങളില് നിന്നും വന്ന 133 പേര്ക്കും കോവിഡ് സ്ഥിരീകരിച്ചു. ഇന്നത്തെ രോഗ ബാധിതരില് 235 പേരുടെ സമ്പര്ക്ക ഉറവിടം വ്യക്തമല്ല. സമ്പര്ക്കത്തിലൂടെ 3120 പേര്ക്കാണ് കോവിഡ് ബാധിച്ചത്. കാസര്ഗോഡ് 242, കണ്ണൂര് ജില്ലയില് നിന്നുള്ള 199 പേര്ക്കും, കോഴിക്കോട് 315, മലപ്പുറം 182, വയനാട് ജില്ലയില് നിന്നുള്ള 72 പേര്ക്കും, പാലക്കാട് ജില്ലയില് നിന്നുള്ള 113 പേര്ക്കും, തൃശൂര് ജില്ലയില് നിന്നുള്ള 315 പേര്ക്കും, എറണാകുളം 254, ഇടുക്കി 21, കോട്ടയം 191, കൊല്ലം ജില്ലയില് നിന്നുള്ള 348 പേര്ക്കും, ആലപ്പുഴ ജില്ലയില് നിന്നുള്ള 213 പേര്ക്കും, പത്തനംതിട്ട ജില്ലയില് നിന്നുള്ള 153, തിരുവനന്തപുരം ജില്ലയില് നിന്നുള്ള 502 പേര്ക്കുമാണ് സമ്പര്ക്കത്തിലൂടെ ഇന്ന് രോഗം ബാധിച്ചത്.
സംസ്ഥാനത്ത് ആകെ കോവിഡ് മരണം ഇത് വരെ 384 ആയി. ഇന്ന് കോവിഡ്-19 സ്ഥിരീകരിച്ച മരണങ്ങള് 12 ആണ്. ആഗസ്റ്റ് 21ന് മരണമടഞ്ഞ തിരുവനന്തപുരം വിഴിഞ്ഞം സ്വദേശി അഹമ്മദ് റിഫയ് (65), ആഗസ്റ്റ് 25ന് മരണമടഞ്ഞ കാസര്ഗോഡ് പനയല് സ്വദേശി രാജന് (40), ആഗസ്റ്റ് 28ന് മരണമടഞ്ഞ കാസര്ഗോഡ് അരികാടി സ്വദേശിനി മറിയുമ്മ (66), സെപ്റ്റംബര് 2ന് മരണമടഞ്ഞ കാസര്ഗോഡ് ചേങ്ങള സ്വദേശി ഹസൈനാര് (61), സെപ്റ്റംബര് 4ന് മരണമടഞ്ഞ തിരുവനന്തപുരം ബാലരാമപുരം സ്വദേശി ശ്രീജിത്ത് (21), തൃശൂര് മിനലൂര് സ്വദേശിനി ദേവകി (97), സെപ്റ്റംബര് 5ന് മരണമടഞ്ഞ തിരുവനന്തപുരം മണക്കാട് സ്വദേശി നീലകണ്ഠ ശര്മ്മ (68), കാസര്ഗോഡ് സ്വദേശി സി.എ. ഹസൈനാര് (66), തിരുവനന്തപുരം മലയിന്കീഴ് സ്വദേശിനി ശാന്ത (70), സെപ്റ്റംബര് 6ന് മരണമടഞ്ഞ തിരുവനന്തപുരം വള്ളക്കടവ് സ്വദേശി മോഹനന് (70), തിരുവനന്തപുരം വലിയതുറ സ്വദേശിനി ഫ്ളോറാമ്മ (76), എറണാകുളം കളമശേരി സ്വദേശിനി ലില്ലി (57) എന്നിവരുടെ മരണം കോവിഡ് മൂലമാണെന്ന് സ്ഥിരീകരിച്ചു.
Related News: വാക്സിൻ നിര്മ്മാണത്തില് സഹകരണ സന്നദ്ധത അറിയിച്ച് റഷ്യ
ഇന്ന് രോഗം ബാധിച്ച 88 ആരോഗ്യ പ്രവര്ത്തകരില് തിരുവനന്തപുരം ജില്ലയില് നിന്ന് മാത്രം 26 പേരുണ്ട്. കോഴിക്കോട് 05, കാസര്ഗോഡ് 08, കണ്ണൂര് 23, മലപ്പുറം 06, പാലക്കാട് 01, എറണാകുളം ജില്ലയിലെ 06 പേരും, പത്തനംതിട്ട 02, തൃശ്ശൂര് 06, കൊല്ലം 04, ആലപ്പുഴ ഒരാള് എന്നിങ്ങനെയാണ് ആരോഗ്യ പ്രവര്ത്തകരുടെ രോഗബാധ. എറണാകുളം ജില്ലയിലെ 15 നേവല് ബേസ് ജീവനക്കാര്ക്കും രോഗം ബാധിച്ചു.
സംസ്ഥാനത്തെ കോവിഡ് പരിശോധന വര്ധിപ്പിച്ചിട്ടുണ്ട്. കഴിഞ്ഞ 24 മണിക്കൂറിനിടെ 45,949 സാമ്പിളുകളാണ് പരിശോധിച്ചത്. റുട്ടീന് സാമ്പിള്, എയര്പോര്ട്ട് സര്വയിലന്സ്, പൂള്ഡ് സെന്റിനല്, സിബി നാറ്റ്, ട്രൂനാറ്റ്, സിഎല്ഐഎ, ആന്റിജെന് അസ്സെ എന്നിവ ഉള്പ്പെടെ ഇതുവരെ ആകെ 19,78,316 സാമ്പിളുകളാണ് പരിശോധനക്കായി അയച്ചത്. സെന്റിനല് സര്വൈലന്സിന്റെ ഭാഗമായി ആരോഗ്യ പ്രവര്ത്തകര്, അതിഥി തൊഴിലാളികള്, സാമൂഹിക സമ്പര്ക്കം കൂടുതലുള്ള വ്യക്തികള് മുതലായ മുന്ഗണനാ ഗ്രൂപ്പുകളില് നിന്ന് 1,85,821 സാമ്പിളുകളും പരിശോധനക്കയച്ചിട്ടുണ്ട്.
ഒഴിവാക്കപ്പെട്ട 21 ഹോട്ട് സ്പോട്ടുകളുടെ പേര് വിവരങ്ങള്; ആലപ്പുഴ ജില്ലയിലെ ചിങ്ങോലി (സബ് വാര്ഡ് 9), കൈനകരി (8, 9), കഞ്ഞിക്കുഴി (സബ് വാര്ഡ് 15), ചമ്പക്കുളം (1), മാരാരിക്കുളം സൗത്ത് (16), തൃശൂര് ജില്ലയിലെ വേളൂക്കര (സബ് വാര്ഡ് 3), മടക്കത്തറ (സബ് വാര്ഡ് 16), കരളം (14), ഇരിങ്ങാലക്കുട മുന്സിപ്പാലിറ്റി (21), കൊറട്ടി (9), എറണാകുളം ജില്ലയിലെ കടുങ്ങല്ലൂര് (സബ് വാര്ഡ് 18, 20), നായരമ്പലം (സബ് വാര്ഡ് 8), നെല്ലിക്കുഴി (4, 11), പാലക്കാട് ജില്ലയിലെ അയിലൂര് (7), നെല്ലിയാമ്പതി (സബ് വാര്ഡ് 5), കോട്ടയം ജില്ലയിലെ മുണ്ടക്കയം (8), മണിമല (7), തിരുവനന്തപുരം ജില്ലയിലെ കുറ്റിച്ചല് (10, 11, 12, 14), കൊല്ലം ജില്ലയിലെ പുനലൂര് മുന്സിപ്പാലിറ്റി (2, 12, 19), വയനാട് ജില്ലയിലെ തവിഞ്ഞാല് (19), പത്തനംതിട്ട ജില്ലയിലെ കടമ്പനാട് (12) എന്നീ പ്രദേശങ്ങളെയാണ് ഹോട്ട് സ്പോട്ടില് നിന്ന് ഒഴിവാക്കിയത്. ഇനി 570 ഹോട്ട് സ്പോട്ടുകളാണ് സംസ്ഥാനത്ത് ഉള്ളത്.
സംസ്ഥാനത്തിന്റെ വിവിധ ഭാഗങ്ങളിലായി ഇന്ന് നിലവില് വന്നത് 23 ഹോട്ട് സ്പോട്ടുകളാണ്; പാലക്കാട് ജില്ലയിലെ കടമ്പഴിപ്പുറം (കണ്ടൈന്മെന്റ് സോണ് വാര്ഡ് 3), കൊടമ്പ (6), പട്ടിത്തറ (10, 12), ഓങ്ങല്ലൂര് (7), മങ്കര (13), തൃശൂര് ജില്ലയിലെ ഗുരുവായൂര് മുന്സിപ്പാലിറ്റി (സബ് വാര്ഡ് 4), കൊടുങ്ങല്ലൂര് മുന്സിപ്പാലിറ്റി (20), തോളൂര് (സബ് വാര്ഡ് 13), പുതുക്കാട് (സബ് വാര്ഡ് 12), ഇടുക്കി ജില്ലയിലെ പീരുമേട് (14, 15), അയ്യപ്പന് കോവില് (8, 9, 10 സബ് വാര്ഡ്), കുമാരമംഗലം (സബ് വാര്ഡ് 8, 9), മലപ്പുറം ജില്ലയിലെ മാറാഞ്ചേരി (19), എആര് നഗര് (1), കോട്ടയം ജില്ലയിലെ തിടനാട് (9), കങ്ങഴ (4, 7), പത്തനംതിട്ട ജില്ലയിലെ നിരണം (5), കുന്നന്താനം (സബ് വാര്ഡ് 10), ആലപ്പുഴ ജില്ലയിലെ തഴക്കര (സബ് വാര്ഡ് 16), കോഴിക്കോട് ജില്ലയിലെ അത്തോളി (17), കൊല്ലം ജില്ലയിലെ പൂതക്കുളം (12), എറണാകുളം ജില്ലയിലെ ആവോലി (സബ് വാര്ഡ് 6), തിരുവനന്തപുരം ജില്ലയിലെ ചെമ്മരുതി (17, 18) എന്നിവയാണ് ഹോട്ട് സ്പോട്ടുകള്.
2751 പേരെ ഇന്ന് ആശുപത്രിയില് പ്രവേശിപ്പിച്ചിട്ടുണ്ട്. ഇനി വിവിധ ജില്ലകളിലായി 2,02,801 പേരാണ് നിരീക്ഷണത്തിലുള്ളത്. നിരീക്ഷണത്തിലുള്ളവരില് 1,83,921 പേര് വീട്/ഇന്സ്റ്റിറ്റിയൂഷണല് ക്വാറന്റൈനിലും 18,880 പേര് ആശുപത്രികളിലുമാണ്.
Related News: വാക്സിന് പരീക്ഷണം നിര്ത്തിവെച്ചു
