തിരുവനന്തപുരം: സംസ്ഥാനത്ത് ഇന്ന് രോഗമുക്തി നേടിയത് 2129 പേരാണ്. ആകെ രോഗബാധ 1547 സ്ഥിരീകരിച്ചപ്പോള് മരണ സംഖ്യ 07 ആണ്. സമ്പര്ക്ക രോഗികള് 1419 ഇന്നുണ്ട്. ഇന്ന് പുതുതായി 13 ഹോട്ട് സ്പോട്ടുകള് നിലവില് വന്നു. ഇന്ന് എല്ലാ ജില്ലയില് നിന്നും സമ്പര്ക്ക രോഗ ബാധ റിപ്പോര്ട്ട് ചെയ്തിട്ടുണ്ട്.
ഇന്ന് കോവിഡില് നിന്ന് മുക്തി നേടിയവരുടെ കണക്ക്; തിരുവനന്തപുരം 402, കൊല്ലം 85, പത്തനംതിട്ട 112 ആലപ്പുഴ 288, കോട്ടയം 69, ഇടുക്കി 42, എറണാകുളം 119, തൃശൂര് 100, പാലക്കാട് 98, മലപ്പുറം 317, കോഴിക്കോട് 194, വയനാട് 26, കണ്ണൂര് 127, കാസര്ഗോഡ് 150. ഇനി ചികിത്സയിലുള്ളത് 21,923. ഇതുവരെ ആകെ 55782 പേര് കോവിഡില് നിന്നും മുക്തി നേടി.
ആകെ 1547 രോഗബാധിതരില്, രോഗം സ്ഥിരീകരിച്ച 21 പേര് വിദേശ രാജ്യങ്ങളില് നിന്ന് വന്നവരാണ്. ഇതര സംസ്ഥാനങ്ങളില് നിന്നും വന്ന 65 പേര്ക്കും കോവിഡ് സ്ഥിരീകരിച്ചു. ഇന്നത്തെ രോഗ ബാധിതരില് 156 പേരുടെ സമ്പര്ക്ക ഉറവിടം വ്യക്തമല്ല. സമ്പര്ക്കത്തിലൂടെ 1419 പേര്ക്കാണ് കോവിഡ് ബാധിച്ചത്. കണ്ണൂര് ജില്ലയില് നിന്നുള്ള 121 പേര്ക്കും, കോഴിക്കോട് 196, മലപ്പുറം 134, വയനാട് ജില്ലയില് നിന്നുള്ള 31 പേര്ക്കും, പാലക്കാട് ജില്ലയില് നിന്നുള്ള 24 പേര്ക്കും, തൃശൂര് ജില്ലയില് നിന്നുള്ള 116, എറണാകുളം 122, കോട്ടയം 143, കൊല്ലം ജില്ലയില് നിന്നുള്ള 77 പേര്ക്കും, ആലപ്പുഴ ജില്ലയില് നിന്നുള്ള 131 പേര്ക്കും, പത്തനംതിട്ട ജില്ലയില് നിന്നുള്ള 16, തിരുവനന്തപുരം ജില്ലയില് നിന്നുള്ള 211 പേര്ക്കുമാണ് സമ്പര്ക്കത്തിലൂടെ ഇന്ന് രോഗം ബാധിച്ചത്.
സംസ്ഥാനത്ത് ആകെ കോവിഡ് മരണം ഇത് വരെ 305 ആയി. ഇന്ന് കോവിഡ്-19 സ്ഥിരീകരിച്ച മരണങ്ങള് 07 ആണ്. ആഗസ്റ്റ് 28ന് മരണമടഞ്ഞ കാസര്ഗോഡ് മഞ്ചേശ്വരം സ്വദേശി അബൂബേക്കര് (60), തിരുവനന്തപുരം കലയ്ക്കോട് സ്വദേശി ഓമനക്കുട്ടന് (63), തിരുവനന്തപുരം വിഴിഞ്ഞം സ്വദേശിനി സില്വാമ്മ (80), ആഗസ്റ്റ് 26ന് മരണമടഞ്ഞ എറണാകുളം പെരുമ്പാവൂര് സ്വദേശിനി നബീസ ബീരാന് (75), ആഗസ്റ്റ് 24ന് മരണമടഞ്ഞ എറണാകുളം കോതമംഗലം സ്വദേശി ബേബി ജോര്ജ് (60), ആഗസ്റ്റ് 17ന് മരണമടഞ്ഞ എറണാകുളം ആലുവ സ്വദേശി സദാനന്ദന് (57), ആഗസ്റ്റ് 31ന് മരണമടഞ്ഞ തിരുവനന്തപുരം ശ്രീകാര്യം സ്വദേശി ബാലചന്ദ്രന് നായര് (63) എന്നിവരുടെ മരണം കോവിഡ് മൂലമാണെന്ന് സ്ഥിരീകരിച്ചു.
ഇന്ന് രോഗം ബാധിച്ച 42 ആരോഗ്യ പ്രവര്ത്തകരില് തിരുവനന്തപുരം ജില്ലയില് നിന്ന് മാത്രം 16 പേരുണ്ട്. മലപ്പുറം 05, എറണാകുളം-കണ്ണൂര് ജില്ലകളില് 3 പേര്ക്ക് വീതവും എറണാകുളത്ത് തന്നെ ഇന്ത്യന് നേവി ആശുപത്രിയിലെ 06 ആരോഗ്യ പ്രവര്ത്തകര്ക്കും സ്ഥിരീകരിച്ചിട്ടുണ്ട്. ഇത് കൂടാതെ കൊല്ലം – ആലപ്പുഴ – തൃശ്ശൂര് ജില്ലകളിലെ രണ്ടു പേര്ക്കും കോഴിക്കോട്-വയനാട്-കാസര്ഗോഡ് ജില്ലകളില് നിന്ന് ഓരോ ആരോഗ്യ പ്രവര്ത്തകര്ക്ക് വീതവുമാണ് ആരോഗ്യ പ്രവര്ത്തകരുടെ രോഗബാധ.
സംസ്ഥാനത്തെ കോവിഡ് പരിശോധന വര്ധിപ്പിച്ചിട്ടുണ്ട്. കഴിഞ്ഞ 24 മണിക്കൂറിനിടെ 23,850 സാമ്പിളുകളാണ് പരിശോധിച്ചത്. റുട്ടീന് സാമ്പിള്, എയര്പോര്ട്ട് സര്വയിലന്സ്, പൂള്ഡ് സെന്റിനല്, സിബി നാറ്റ്, ട്രൂനാറ്റ്, സിഎല്ഐഎ, ആന്റിജെന് അസ്സെ എന്നിവ ഉള്പ്പെടെ ഇതുവരെ ആകെ 17,24,658 സാമ്പിളുകളാണ് പരിശോധനക്കായി അയച്ചത്. സെന്റിനല് സര്വൈലന്സിന്റെ ഭാഗമായി ആരോഗ്യ പ്രവര്ത്തകര്, അതിഥി തൊഴിലാളികള്, സാമൂഹിക സമ്പര്ക്കം കൂടുതലുള്ള വ്യക്തികള് മുതലായ മുന്ഗണനാ ഗ്രൂപ്പുകളില് നിന്ന് 1,79,862 സാമ്പിളുകളും പരിശോധനക്കയച്ചിട്ടുണ്ട്.
ഒഴിവാക്കപ്പെട്ട 17 ഹോട്ട് സ്പോട്ടുകളുടെ പേര് വിവരങ്ങള്; കോട്ടയം ജില്ലയിലെ ചെമ്പ് (വാര്ഡ് 1, 2), ആതിരമ്പുഴ (21), തൃശൂര് ജില്ലയിലെ പരപ്പൂക്കര (സബ് വാര്ഡ് 6), തളിക്കുളം (13), കോഴിക്കോട് ജില്ലയിലെ കാരാചുണ്ട് (4, 5, 6, 8, 9, 10, 11, 13), കൂടരഞ്ഞി (എല്ലാ വാര്ഡുകളും), പാലക്കാട് ജില്ലയിലെ കൊപ്പം (12), പട്ടാമ്പി മുന്സിപ്പാലിറ്റി (1, 4, 16, 18, 19), പെരുവെമ്പ (9), കൊല്ലം ജില്ലയിലെ പത്തനാപുരം (1, 2), എറണാകുളം ജില്ലയിലെ ആയവന (സബ് വാര്ഡ് 3, 4, 5), പത്തനംതിട്ട ജില്ലയിലെ ഇരവിപേരൂര് (5, 12, 14 (സബ് വാര്ഡ്), 16, 17), തിരുവനന്തപുരം ജില്ലയിലെ ചെറുന്നിയൂര് (7), വെങ്ങാനൂര് (9), ആനാട് (7), കോട്ടയം ജില്ലയിലെ രാമപുരം (7, 8), വൈക്കം (14) എന്നീ പ്രദേശങ്ങളെയാണ് ഹോട്ട് സ്പോട്ടില് നിന്ന് ഒഴിവാക്കിയത്. ഇനി 577 ഹോട്ട് സ്പോട്ടുകളാണ് സംസ്ഥാനത്ത് ഉള്ളത്.
ഇന്ന് നിലവില് വന്നത് 13 ഹോട്ട് സ്പോട്ടുകളാണ്; കോട്ടയം ജില്ലയിലെ പാമ്പാടി (കണ്ടൈന്മെന്റ് സോണ് വാര്ഡ് 14), തൃശൂര് ജില്ലയിലെ കണ്ടാണശേരി (10, 12 (സബ് വാര്ഡ്), മടക്കത്തറ (സബ് വാര്ഡ് 16), ആലപ്പുഴ ജില്ലയിലെ കൈനകരി (8, 9), പള്ളിപ്പുറം (10, 14), കോഴിക്കോട് ജില്ലയിലെ മരുതോങ്കര (6), കീഴരിയൂര് (സബ് വാര്ഡ് 3), വളയം (സബ് വാര്ഡ് 9), പാലക്കാട് ജില്ലയിലെ നെല്ലായി (1), എറണാകുളം ജില്ലയിലെ മൂക്കന്നൂര് (1, 11), കീഴ്മാട് (10), തിരുവനന്തപുരം ജില്ലയിലെ ഒറ്റൂര് (7), കോട്ടയം ജില്ലയിലെ കൂട്ടിക്കല് (1) എന്നിവയാണ് ഹോട്ട് സ്പോട്ടുകള്.
1439 പേരെ ഇന്ന് ആശുപത്രിയില് പ്രവേശിപ്പിച്ചിട്ടുണ്ട്. ഇനി വിവിധ ജില്ലകളിലായി 1,93,736 പേരാണ് നിരീക്ഷണത്തിലുള്ളത്. നിരീക്ഷണത്തിലുള്ളവരില് 1,75,382 പേര് വീട്/ഇന്സ്റ്റിറ്റിയൂഷണല് ക്വാറന്റൈനിലും 18,354 പേര് ആശുപത്രികളിലുമാണ്.
Most Read: ‘ഇന്ത്യ’ മാറ്റി ഭാരതമാക്കാൻ ആവശ്യപ്പെട്ടുള്ള ഹരജി സുപ്രിംകോടതി തള്ളി