കൊച്ചി: സംസ്ഥാനത്ത് സ്വർണവിലയിൽ വീണ്ടും ഇടിവ്. ഒരു ദിവസത്തെ നേരിയ വർദ്ധനക്കു ശേഷമാണ് സ്വർണവിലയിൽ വീണ്ടും ഇടിവ് രേഖപ്പെടുത്തിയത്. പവന് 120 രൂപയും ഗ്രാമിന് 15 രൂപയുമാണ് കുറഞ്ഞത്. ഇതോടെ പവന് 36,800 രൂപയും ഗ്രാമിന് 4,600 രൂപയുമായി.
വെള്ളിയാഴ്ച പവനു 200 രൂപ കൂടി 36,920 രൂപയിൽ എത്തിയിരുന്നു. കഴിഞ്ഞ മൂന്ന് ദിവസത്തിനിടെ 1500 രൂപയുടെ ഇടിവാണ് സ്വർണവില ഉണ്ടായത്. ചൊവ്വാഴ്ച രണ്ടു തവണയായി പവന് 760 രൂപയാണ് കുറഞ്ഞത്. ബുധനാഴ്ച 200 രൂപ ഇടിഞ്ഞു. വരും ദിവസങ്ങളിലും സ്വർണവിലയിൽ ചാഞ്ചാട്ടം തുടരുമെന്നാണ് വിദഗ്ധരുടെ നിരീക്ഷണം. അന്താരാഷ്ട്ര വിപണിയിൽ സ്പോട്ട് ഗോൾഡ് വില ഔൺസിന് 1,861.33 ഡോളർ നിലവാരത്തിലാണ് വ്യാപാരം നടക്കുന്നത്.
Also Read: 20,000 കോടിയുടെ നികുതി തര്ക്ക കേസില് അനുകൂല വിധി നേടി വൊഡാഫോണ്