റമളാന്‍ റീലീഫിന്റെ ജില്ലാതല ഉൽഘാടനം സമസത ജില്ലാ സെക്രട്ടറി ഇബ്രാഹീം ബാവവി മേൽമുറി നിർവഹിക്കുന്നു
മലപ്പുറം:‘റമളാന്‍ ആത്‌മ വിചാരത്തിന്റെ കാലം‘ എന്ന ശീര്‍ഷകത്തില്‍ നടത്തുന്ന കേരള മുസ്‌ലിം ജമാഅത്ത് റമളാന്‍ ക്യാംപയിന് തുടക്കമായി. ക്യാംപയിൻ ഭാഗമായി ജില്ലയില്‍ 3 കോടിയിലധികം രൂപയുടെ റിലീഫ് പ്രവര്‍ത്തനങ്ങള്‍ നടത്തുമെന്ന് ഭാരവാഹികൾ പറഞ്ഞു.
ഇതിന്റെ ഭാഗമായി യൂണിറ്റുകളില്‍ റമളാന്‍ കിറ്റ് വിതരണത്തിന് ഇന്നലെ തുടക്കമായി. റീലീഫ് വിതരണത്തിന്റെ ജില്ലാതല ഉൽഘാടനം മലപ്പുറം വരിക്കോട് സമസ്‌ത ജില്ലാ സെക്രട്ടറി ഇബ്രാഹീം ബാവവി മേൽമുറി നിര്‍വഹിച്ചു.
പ്രസ്‌ഥാന കുടുംബത്തിന്റെ നേതൃത്വത്തിൽ, ജില്ലയിലുള്ള അർഹരായവർക്ക് പലചരക്ക് സാധനങ്ങളും നോമ്പ് തുറക്കാവശ്യമായ മറ്റുവിഭവങ്ങളുമാണ് നല്‍കുന്നതെന്ന് സംഘാടകർ അറിയിച്ചു. ജില്ലയിലെ 1208 യൂണിറ്റുകളിലെ നിര്‍ധനരും നിരാലംബരുമായ ആളുകൾക്കാണ് റമളാൻ സഹായമെത്തിക്കുക.
യൂണിറ്റുകളും, സോണുകളും ഉൾപ്പടെ പ്രസ്‌ഥാനത്തിന്റെ വിവിധ ഘടകങ്ങള്‍ കേന്ദ്രീകരിച്ചാണ് പദ്ധതി നടപ്പാക്കുന്നതെന്നും സംഘാടകർ പറഞ്ഞു.
ക്യാംപയിൻ ഭാഗമായി വിവിധ ഘടകങ്ങലുടെ നേതൃത്വത്തില്‍ ഖുര്‍ആന്‍ പ്രഭാഷണം, ബദ്ർ സ്‌മൃതി, ഖത്‍മുൽ ഖുര്‍ആന്‍, കുടുംബ സഭ,തദ്‌കിറ, തര്‍ത്തീലുല്‍ഖുര്‍ആന്‍, ഹദീസ് പഠനം, വിവിധ തലങ്ങളിലുള്ളവരെ പങ്കെടുപ്പിച്ച് ഇഫ്‌താർ മീറ്റുകള്‍ തുടങ്ങിയ പരിപാടികളും സംഘടിപ്പിക്കും; ഭാരവാഹികൾ അറിയിച്ചു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
