തിരുവനന്തപുരം: നേമത്ത് കോണ്ഗ്രസും സിപിഐഎമ്മും തമ്മില് വോട്ട് കച്ചവടം നടത്തിയെന്ന് എന്ഡിഎ സ്ഥാനാര്ഥി കുമ്മനം രാജശേഖരന്. ബിജെപിയെ തോല്പിക്കാന് നേമത്ത് സിപിഐഎം കോണ്ഗ്രസിന് വോട്ട് മറിക്കുമെന്ന് അദ്ദേഹം ആരോപിച്ചു.
നേമത്തെ ബിജെപി വോട്ടുകള് എങ്ങോട്ടും പോകില്ല. നേമം ബിജെപിയുടെ ഗുജറാത്ത് തന്നെയാണെന്നും കുമ്മനം രാജശേഖരന് പറഞ്ഞു. യുഡിഎഫും സിപിഐഎമ്മും മുഖ്യ എതിരാളികള് തന്നെയാണ്.
കഴിഞ്ഞ തിരഞ്ഞെടുപ്പുകളില് യുഡിഎഫിന്റെയും സിപിഐഎമ്മിന്റെയും പാളയത്തിലാണ് വോട്ട് ചോര്ച്ച ഉണ്ടായിട്ടുള്ളത്. ബിജെപിയെ തോല്പിക്കാന് ഇരുപക്ഷവും ശ്രമിക്കുമെന്നും കുമ്മനം രാജശേഖരന് പറഞ്ഞു.
Read Also: ശബരിമല വിഷയത്തിൽ നിയമ നിർമാണത്തിന് പരിമിതിയുണ്ടെന്ന് വി മുരളീധരൻ