കുവൈറ്റ്: 40 വയസിന് മുകളിൽ ഉള്ളവർക്ക് ബൂസ്റ്റർ ഡോസ് നൽകി തുടങ്ങി കുവൈറ്റ്. ഈ വിഭാഗത്തിലുള്ള ആളുകൾ വാക്സിനേഷനായി മുൻകൂട്ടി ബുക്ക് ചെയ്യേണ്ട ആവശ്യമില്ലെന്നും അധികൃതർ അറിയിച്ചു. നേരിട്ട് വാക്സിനേഷൻ കേന്ദ്രങ്ങളിൽ എത്തിയാൽ 40 വയസിന് മുകളിൽ ഉള്ളവർക്ക് ബൂസ്റ്റർ ഡോസ് സ്വീകരിക്കാവുന്നതാണ്.
അതേസമയം കുവൈറ്റിൽ ഈ മാസം 8ആം തീയതി വരെയുള്ള കണക്കുകൾ പ്രകാരം 7,49,822 പേർ കോവിഡ് വാക്സിന്റെ മൂന്നാം ഡോസ് സ്വീകരിച്ചിട്ടുണ്ട്. സ്വദേശികളും വിദേശികളും ഉൾപ്പടെയുള്ള കണക്കാണിത്.
കൂടാതെ കോവിഡ് സാഹചര്യം നിലനിൽക്കുന്നതിനാൽ കുവൈറ്റിലേക്കുള്ള യാത്രക്ക് 72 മണിക്കൂറിനകമുള്ള പിസിആർ നെഗറ്റീവ് ഫലം നിർബന്ധമാണ്. ഇതുണ്ടെങ്കിൽ കുവൈറ്റിലേക്കും, തിരിച്ചും യാത്ര ചെയ്യാമെന്ന് സിവിൽ ഏവിയേഷൻ അറിയിച്ചിട്ടുണ്ട്.
Read also: ജാർഖണ്ഡിൽ ഐഇഡി സ്ഫോടനം; രണ്ട് ജവാൻമാർക്ക് പരിക്കേറ്റു