കോഴിക്കോട്: മുന് മുഖ്യമന്ത്രിയും മുതിർന്ന സിപിഐഎം നേതാവുമായ വിഎസ് അച്യുതാനന്ദന്റെ ചിത്രങ്ങള് തിരഞ്ഞെടുപ്പ് പ്രചാരണത്തിനായി ആർഎംപി ഉപയോഗിക്കുന്നു എന്ന് പരാതി. നിയമസഭാ തിരഞ്ഞെടുപ്പിന് മണിക്കൂറുകള് മാത്രം ശേഷിക്കെയാണ് ആര്എംപിക്കെതിരെ പരാതിയുമായി എല്ഡിഎഫ് രംഗത്ത് വന്നിരിക്കുന്നത്.
വിഎസ് അച്യുതാനന്ദന്, ആർഎംപി സ്ഥാനാർഥി കെകെ രമയെ സന്ദര്ശിക്കുന്ന ചിത്രങ്ങള് പ്രചാരണത്തിനിടെ വ്യാപകമായി ഉപയോഗിക്കുന്നു എന്നും ഇത് സംഘര്ഷങ്ങള്ക്ക് വഴിവെക്കുമെന്നും എല്ഡിഎഫ് നേതൃത്വം അറിയിച്ചു. പരാതിയെത്തുടര്ന്ന് വിഷയത്തിൽ പരിശോധന നടത്താൻ റിട്ടേണിംഗ് ഓഫീസര് നിര്ദ്ദേശം നല്കിയിട്ടുണ്ട്.
യുഡിഎഫ് പിന്തുണയോടു കൂടിയാണ് വടകരയില് നിന്ന് ആര്എംപി സ്ഥാനാർഥി കെകെ രമ മൽസരിക്കുന്നത്.
Read also: മനസാക്ഷിക്ക് അല്ല; തലശ്ശേരിയിൽ ബിജെപി വോട്ട് നസീറിന് തന്നെയെന്ന് വി മുരളീധരൻ