ലെസ്‌റ്റര്‍: എഫ്എ കപ്പില്‍ ചരിത്രം കുറിച്ച് ലെസ്‌റ്റര്‍ സിറ്റി. ഫൈനലിൽ ചെല്‍സിയെ തറപറ്റിച്ച് ലെസ്‌റ്റര്‍ സിറ്റി ചരിത്രത്തില്‍ ആദ്യമായി എഫ്എ കപ്പ് കിരീടത്തില്‍ മുത്തമിട്ടു. എതിരില്ലാത്ത ഒരു ഗോളിനായിരുന്നു ലെസ്‌റ്റര്‍ സിറ്റിയുടെ ചരിത്ര വിജയം.
2016ല്‍ പ്രീമിയര്‍ ലീഗ് കിരീടം നേടിയ ശേഷമുള്ള ക്ളബ്ബിന്റെ ആദ്യ കിരീടം കൂടിയാണ് ലെസ്‌റ്ററിൽ പിറന്നത്. കളിയുടെ അവസാന നിമിഷം വരെ ചെല്‍സി പൊരുതിയെങ്കിലും ലെസ്‌റ്റര്‍ സിറ്റിയെ മറികടക്കാനായില്ല.
ചെല്‍സി തന്നെയാണ് മികച്ച രീതിയില്‍ മൽസരത്തിന് തുടക്കമിട്ടത്. എന്നാല്‍ ലെസ്‌റ്റർ സിറ്റി താരങ്ങളുടെ മികച്ച ടീം വര്‍ക്കിൽ ചെൽസിയുടെ അടിപതറി. രണ്ടാം പകുതിയിൽ ആയിരുന്നു ലെസ്‌റ്റര്‍ സിറ്റിയുടെ ഗോള്‍ പിറന്നത്. 63ആം മിനിറ്റില്‍ യൂറി ടൈലമന്‍സാണ് ലെസ്‌റ്ററിന്റെ വിജയഗോള്‍ നേടിയത്. മൽസരത്തിലുടനീളം ചെൽസി ആക്രമണം തുടർന്നെങ്കിലും മറുപടി ഗോൾ കണ്ടെത്താനായില്ല.
Read Also: മരണസംഖ്യയും രോഗബാധിതരും വർധിക്കും; കോവിഡ് ഇക്കൊല്ലം കൂടുതൽ അപകടം വിതയ്‌ക്കുമെന്ന് ഡബ്ള്യുഎച്ച്ഒ
