തിരുവനന്തപുരം: വരാനിരിക്കുന്ന തദ്ദേശ സ്വയംഭരണ തിരഞ്ഞെടുപ്പിൽ കോവിഡ് രോഗികൾക്ക് പോളിംഗ് ബൂത്തിൽ നേരിട്ടെത്തി വോട്ട് രേഖപ്പെടുത്താം. ഇതുമായി ബന്ധപ്പെട്ട വിജ്ഞാപനം സർക്കാർ പുറത്തിറക്കി.
കോവിഡ് രോഗികൾക്ക് ബൂത്തുകളിൽ നേരിട്ടെത്തി വോട്ട് രേഖപ്പെടുത്താൻ സാധിക്കും. അവസാന ഒരു മണിക്കൂർ കോവിഡ് രോഗികൾക്കും നിരീക്ഷണത്തിൽ ഉള്ളവർക്കും വോട്ട് ചെയ്യാനായി മാറ്റിവെച്ചിട്ടുണ്ട്. പോസ്റ്റൽ വോട്ടിനുള്ള സൗകര്യവും ഒരുക്കും.
മൂന്ന് ഘട്ടങ്ങളായാണ് കേരളത്തിൽ തദ്ദേശ സ്വയംഭരണ തിരഞ്ഞെടുപ്പ് നടക്കുക. ഡിസംബർ 8, 10, 14 തീയതികളിലായാണ് തിരഞ്ഞെടുപ്പ്. ഡിസംബർ 16നാണ് വോട്ടെണ്ണൽ നടക്കുക. തദ്ദേശ തിരഞ്ഞെടുപ്പിലേക്കുള്ള പത്രിക സമർപ്പണം ഇന്നലെ അവസാനിച്ചിരുന്നു. കോവിഡ് സാഹചര്യങ്ങൾ കണക്കിലെടുത്ത് കർശന നിയന്ത്രണങ്ങളൊടെയാണ് തിരഞ്ഞെടുപ്പ് പ്രചാരണങ്ങൾ നടക്കുന്നത്.
Read also:സ്ഥാനാര്ഥി പത്രിക നല്കിയത് കോവിഡ് പോസിറ്റീവ് ആയ 6 പേര്; ഒരാള് പിന്മാറി