നിലമ്പൂര്‍: നിര്‍ധനരും അനാഥകളുമായ കുട്ടികളെ വിദ്യാഭ്യാസപരമായും സാമൂഹികപരമായും വളര്‍ത്തി കൊണ്ടുവരുന്നതില്‍ നിലമ്പൂര്‍ ‘മജ്‌മഅ്’ അക്കാദമിയുടെ സേവനം ഏറെ വലുതെന്ന് കേരള ഓര്‍ഫനേജ് കണ്‍ട്രോള്‍ ബോര്‍ഡ് ചെയര്‍മാന്‍ വിഎം കോയ മാസ്‌റ്റര്‍ പറഞ്ഞു.
മുപ്പത് വര്‍ഷക്കാലത്തെ സ്‌ഥാപനത്തിന്റെ പ്രവര്‍ത്തനങ്ങള്‍ സമൂഹത്തില്‍ മികച്ച മാറ്റങ്ങള്‍ ഉണ്ടാക്കിയെന്നും അദ്ദേഹം അഭിപ്രായപ്പെട്ടു. ‘മജ്‌മഅ്’ അക്കാദമി നല്‍കിയ സ്വീകരണ സദസിൽ നന്ദി പ്രഭാഷണം നടത്തുകയായിരുന്നു അദ്ദേഹം.
ചടങ്ങില്‍ ‘മജ്‌മഅ്’ ജനറല്‍ സെക്രട്ടറി കൂറ്റമ്പാറ അബ്‌ദുറഹ്‌മാൻ ദാരിമി പൊന്നാട അണിയിച്ച് കോയ മാസ്‌റ്ററെ സ്വീകരിച്ചു. സീഫോര്‍ത്ത് അബ്‌ദുറഹ്‌മാൻ ദാരിമി, സയ്യിദ് ഹൈദരലി മഞ്ഞപ്പറ്റ, അബ്‌ദുല്ല സഅദി കൊടശ്ശേരി, എം അബദുല്‍ കരീം, സയ്യിദ് ശിഹാബ്, മൂജീബ് അഹ്‌സനി എന്നിവര്‍ ചടങ്ങിൽ സംബന്ധിച്ചു.
Most Read: മൊറട്ടോറിയം നയത്തിൽ ഇടപെടാനാകില്ല; ഹരജികൾ തള്ളി സുപ്രീംകോടതി
