വളാഞ്ചേരി: വ്യാവസായിക ആവശ്യത്തിന് ഓക്സിജൻ സിലിണ്ടറുകൾ വിതരണം ചെയ്യുന്ന സ്ഥാപനത്തിൽ നിന്ന് 21 സിലിണ്ടറുകൾ പിടിച്ചെടുത്തു. മുക്കിലപ്പീടികയിലെ സ്ഥാപനത്തിൽ നിന്ന് ഇന്നലെ വൈകിട്ട് മൂന്നിനാണ് വ്യവസായ വകുപ്പ് ഉദ്യോഗസ്ഥരും റവന്യൂ അധികൃതരും അടങ്ങുന്ന സംഘം പരിശോധന നടത്തി സിലിണ്ടറുകൾ പിടിച്ചെടുത്തത്. ഇവ ശുചീകരണത്തിനായി കൊച്ചിയിലേക്ക് അയച്ചു.
പിന്നീട് ആശുപത്രികൾക്ക് ഓക്സിജൻ നിറച്ചു നൽകാൻ സംവിധാനമൊരുക്കും. സംസ്ഥാനത്ത് ഓക്സിജൻ ക്ഷാമം രൂക്ഷമായ സാഹചര്യത്തിൽ സിലിണ്ടറുകൾ താൽകാലികമായി വിട്ടുനൽകണമെന്ന് ഉദ്യോഗസ്ഥർ സ്ഥാപന ഉടമയെ അറിയിച്ചിരുന്നു. എന്നാൽ, ഇത് കിട്ടാതെ വന്നതോടെ പോലീസിനെ അറിയിച്ച് സിലിണ്ടറുകൾ പിടിച്ചെടുക്കുകയായിരുന്നു.
Also Read: മുഖ്യമന്ത്രിയുടെ കത്ത് കിട്ടി; മനസുകൊണ്ട് പങ്കെടുക്കുമെന്ന് ജനാര്ദ്ദനന്