കൊൽക്കത്ത: പശ്ചിമ ബംഗാൾ മുഖ്യമന്ത്രി മമത ബാനർജിയുടെ സഹോദരൻ കോവിഡ് ബാധിച്ചു മരിച്ചു. മമതയുടെ ഇളയ സഹോദരൻ അസിം ബാനർജിയാണ് മരിച്ചത്. കഴിഞ്ഞ ഒരു മാസത്തോളമായി കോവിഡ് ബാധിച്ച് ചികിൽസയിലായിരുന്നു. കൊൽക്കത്തയിലെ സ്വകാര്യ ആശുപത്രിയിൽ വച്ചായിരുന്നു അന്ത്യം.
അതേസമയം, 20,846 പേർക്കാണ് കഴിഞ്ഞ ദിവസം ബംഗാളിൽ കോവിഡ് സ്ഥിരീകരിച്ചത്. ഇതോടെ സംസ്ഥാനത്ത് ഇതുവരെ രോഗം ബാധിച്ചവരുടെ അകെ എണ്ണം 10,94,802 ആയി. വെള്ളിയാഴ്ച 136 കോവിഡ് മരണങ്ങളാണ് ബംഗാളിൽ റിപ്പോർട് ചെയ്തത്.
Also Read: അഞ്ചാവശ്യങ്ങള് ഉന്നയിച്ച് റേഷന് വ്യാപാരികള്; തിങ്കളാഴ്ച കടകള് അടച്ചിട്ട് പ്രതിഷേധം