കാസർഗോഡ്: യുവതിയെ പീഡിപ്പിക്കാൻ ശ്രമിച്ചുവെന്നാരോപിച്ച് ആൾക്കൂട്ടം മർദിക്കുന്നതിനിടെ മധ്യവയസ്കൻ മരിച്ചു. ചെമ്മനാട് ചളിയങ്കോട് സ്വദേശി റഫീഖ് (49) ആണ് മരിച്ചത്. ശനിയാഴ്ച ഉച്ചക്ക് രണ്ടു മണിയോടെ കിംസ്- അരമന ആശുപത്രിക്ക് സമീപമാണ് സംഭവം.
ആശുപത്രിയിൽ ചികിൽസക്കെത്തിയ യുവതിയെ പീഡിപ്പിക്കാൻ ശ്രമിക്കുകയും യുവതി ഇയാളെ തല്ലുകയും ചെയ്തു. തുടർന്ന് ഓട്ടോ ഡ്രൈവർമാർ ഇടപെടുകയായിരുന്നു. കിംസ്- അരമന ആശുപത്രിക്കടുത്തെ ഹെല്ത്ത് മാളിനടുത്താണ് റഫീഖ് വീണു കിടന്നത്. ബോധരഹിതനായി വീണു കിടന്ന റഫീഖിനെ ഉടൻ തന്നെ ആശുപത്രിയിലെത്തിച്ചെങ്കിലും മരണം സംഭവിക്കുകയായിരുന്നു.
Malabar News: വയനാട്ടിൽ വീണ്ടും മാവോയിസ്റ്റ് സാന്നിധ്യം; അന്വേഷണം ആരംഭിച്ചു