കോട്ടയം: മണര്കാട് സെന്റ് മേരീസ് പള്ളി ഓര്ത്തഡോക്സ് വിഭാഗത്തിന് വിട്ടുനല്കാന് കോടതി ഉത്തരവിട്ടു. ജില്ലാ ഭരണകൂടം ഏറ്റെടുത്ത് ഓര്ത്തഡോക്സ് വിഭാഗത്തിന് നല്കണമെന്നാണ് കോട്ടയം സബ് കോടതിയുടെ ഉത്തരവ്. പുതിയ ഭരണസമിതിക്ക് രൂപം നല്കണമെന്നും കോടതി ഉത്തരവിട്ടു
യാക്കോബായ സഭയുടെ കൈവശമുള്ള പള്ളികളെല്ലാം 1934ലെ ഭരണഘടന പ്രകാരം ഓര്ത്തഡോക്സ് സഭക്കാണെന്ന് സുപ്രിംകോടതി നേരത്തെ ഉത്തരവ് പുറപ്പെടുവിച്ചിരുന്നു. കോടതി വിധിയെ സ്വാഗതം ചെയ്യുന്നതായി ഓര്ത്തഡോക്സ് സഭ വ്യക്തമാക്കി. എന്നാല് കോടതി ഉത്തരവിനെതിരേ അപ്പീല് പോകാനാണ് തീരുമാനമെന്ന് യാക്കോബായ സഭ പ്രതികരിച്ചു.