തലക്ക് 75 ലക്ഷം രൂപ വിലയിട്ട മാവോയിസ്‌റ്റ് നേതാവ് കാട്ടിൽ മരിച്ച നിലയിൽ

By Desk Reporter, Malabar News
Maoist leader killed in jungle
Ajwa Travels

പാറ്റ്ന: ജാർഖണ്ഡ്, ബിഹാർ സർക്കാരുകൾ തലക്ക് 75 ലക്ഷം രൂപ വിലയിട്ടിരുന്ന മാവോയിസ്‌റ്റ് നേതാവിനെ കാട്ടിൽ മരിച്ച നിലയിൽ കണ്ടെത്തി. സന്ദീപ് യാദവ് (55) എന്ന മാവോയിസ്‌റ്റ് നേതാവിനെയാണ് ഗയയിലെ ലുത്‌വ വനത്തിനുള്ളിൽ മരിച്ച നിലയിൽ കണ്ടെത്തിയത്.

ബിഹാർ, ജാർഖണ്ഡ്, ഛത്തീസ്‌ഗഡ്‌, ഒഡീഷ, ആന്ധ്രപ്രദേശ് സംസ്‌ഥാനങ്ങളിലായി ഇയാൾക്കെതിരെ 500ഓളം കേസുകളുണ്ട്. സന്ദീപ് യാദവിന്റെ തലക്ക് ജാർഖണ്ഡ് സർക്കാർ 50 ലക്ഷം രൂപയും ബിഹാർ സർക്കാർ 25 ലക്ഷം രൂപയും വിലയിട്ടിരുന്നു. ഗയ ബാംകേബസാർ സ്വദേശിയാണ് ഇയാൾ.

പോലീസിന് വിവരങ്ങൾ നൽകിയെന്നാരോപിച്ച് സന്ദീപ് യാദവ് ഗയയിൽ അടുത്ത കാലത്ത് നാല് ഗ്രാമീണരെ തൂക്കിക്കൊന്നിരുന്നു. അടുത്തിടെ ബോംബ് സ്‌ഫോടനത്തിൽ പരിക്കേറ്റ ഇയാൾ അവശ നിലയിലായിരുന്നു എന്നാണ് സിആർപിഎഫ് വൃത്തങ്ങൾ നൽകുന്ന സൂചന.

വനത്തിനുള്ളിൽ സന്ദീപ് യാദവിനെ മരിച്ച നിലയിൽ കണ്ട ഗ്രാമവാസികൾ മൃതദേഹം ഇയാളുടെ വീട്ടിൽ എത്തിക്കുകയായിരുന്നു. വിവരമറിഞ്ഞ് എത്തിയ പോലീസ് മൃതദേഹം പോസ്‌റ്റുമോർട്ടത്തിനായി ആശുപത്രിയിലേക്കു മാറ്റി.

Most Read:  ആരോഗ്യ -സുരക്ഷാ പ്രശ്‌നങ്ങൾ; പിസി ജോർജിനെ പൂജപ്പുര സെൻട്രൽ ജയിലിലേക്ക് മാറ്റി

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE