കാസര്‍കോട്: കനത്ത മഴയില്‍ വെള്ളക്കെട്ടില്‍ വീണ് നിര്‍മാണ തൊഴിലാളിയായ മധ്യവയസ്‌കന്‍ മുങ്ങിമരിച്ചു. തെക്കന്‍ ബങ്കളം കിഴക്കേ വീട്ടില്‍ രഘുനാഥനാണ് (55) മരിച്ചത്. ഇന്നലെ വൈകിട്ട് അഞ്ച് മണിയോടെയാണ് സംഭവം. കനത്ത മഴയില്‍ നടന്ന് പോകുന്നതിനിടെ അബദ്ധത്തില്‍ വെള്ളക്കെട്ടില്‍ വീഴുകയായിരുന്നു. കൂടെയുണ്ടായിരുന്ന ഭാര്യ ഉഷ നാട്ടുകാരെ വിളിച്ചുകൂട്ടി. ഫയര്‍ ഫോഴ്‌സ് എത്തുന്നതിന് മുമ്പ് തന്നെ നാട്ടുകാര്‍ രഘുനാഥനെ കരക്കെത്തിച്ചിരുന്നു.
ഫയര്‍ ഫോഴ്‌സ് എത്തിയതിന് ശേഷം പ്രാഥമിക ശുശ്രൂഷകള്‍ നല്‍കി. തുടര്‍ന്ന് നീലേശ്വരത്തെ ആശുപത്രിയില്‍ എത്തിച്ചെങ്കിലും മരണം സംഭവിച്ചിരുന്നു. മൃതദേഹം കാഞ്ഞങ്ങാട് ജില്ലാ ആശുപത്രിയിലേക്ക് മാറ്റി. കോവിഡ് പരിശോധനക്ക് ശേഷം പോസ്റ്റുമോര്‍ട്ടം നടത്തും. മക്കള്‍: രസ്ന, ശ്രീജിന. മരുമക്കള്‍: സുരേന്ദ്രന്‍, രതീഷ്. സഹോദരങ്ങള്‍: നാരായണി, തമ്പായി, സുവര്‍ണനി, യശോദ, പരേതനായ വിജയന്‍.
