കോഴിക്കോട്: ജില്ലയിൽ 13കാരിയെ പീഡിപ്പിച്ച സംഭവത്തിൽ മിമിക്രി കലാകാരൻ അറസ്‌റ്റിൽ. പേരാമ്പ്ര ചേനോളിയില്‍ ചെക്കിയോട്ട് താഴ ഷൈജു(41) ആണ് അറസ്‌റ്റിലായത്‌. പീഡനവിവരം സംബന്ധിച്ച് സ്‌കൂൾ അധികൃതർ പോലീസിൽ നൽകിയ പരാതിയുടെ അടിസ്‌ഥാനത്തിലാണ്‌ പ്രതിയെ പിടികൂടിയത്.
കൊയിലാണ്ടിയിലെ ബന്ധുവീട്ടില്‍ താമസിക്കുമ്പോഴാണ്‌ പ്രതി കുട്ടിയെ പീഡനത്തിന് ഇരയാക്കിയത്. തുടർന്ന് പെൺകുട്ടി പഠനത്തിൽ താൽപര്യമില്ലായ്‌മ പ്രകടിപ്പിച്ചതോടെ അധ്യാപകർ കുട്ടിയോട് കാര്യങ്ങൾ തിരക്കുകയായിരുന്നു. അതിന് പിന്നാലെയാണ് കുട്ടി അധ്യാപകരോട് പീഡനത്തെ കുറിച്ച് പറഞ്ഞത്. ശേഷം സ്‌കൂൾ അധികൃതർ പോലീസിൽ പരാതി നൽകുകയായിരുന്നു. നിലവിൽ കൊയിലാണ്ടി കോടതിയിൽ ഹാജരാക്കിയ പ്രതിയെ റിമാൻഡ് ചെയ്‌തിരിക്കുകയാണ്.
Read also: കൊല്ലത്ത് വള്ളം മറിഞ്ഞ് രണ്ട് മൽസ്യ തൊഴിലാളികളെ കാണാതായി
