തൃശൂര്‍: മന്ത്രി എസി മൊയ്‌തീന്‍ ചട്ട ലംഘനം നടത്തിട്ടില്ലെന്ന് റിപ്പോര്‍ട്ട്. മന്ത്രി വോട്ട് ചെയ്‌തത് ഏഴു മണിക്കു ശേഷമെന്ന് വോട്ടിംഗ് യന്ത്രത്തിലെ രേഖപ്പെടുത്തല്‍. വോട്ടിംഗ് യന്ത്രത്തില്‍ രേഖപ്പെടുത്തിയ വോട്ടിംഗ് സ്‌റ്റാര്‍ട്ട് ടൈമിന്റെ പ്രിന്റൗട്ട് ജില്ലാ കളക്‌ടര്‍ സംസ്‌ഥാന തിരഞ്ഞെടുപ്പ് കമ്മീഷന് കൈമാറി.
പനങ്ങാട്ടുകര എഎന്‍ഡി സ്‌കൂളിലെ ഒന്നാം ബൂത്തില്‍ ആദ്യ വോട്ടറായി ഡിസംബര്‍ 10ന് രാവിലെ 7 മണി 11 മിനുട്ട് 12 സെക്കന്റിലാണ് മന്ത്രി വോട്ട് ചെയ്‌തത്. തെക്കുംകര ഗ്രാമപഞ്ചായത്തിലെ വരണാധികാരിയായ വടക്കാഞ്ചേരി സബ് രജിസ്ട്രാർ പിഎം അക്ബര്‍ തൃശൂര്‍ ജില്ലാ കളക്‌ടര്‍ എസ് ഷാനവാസിന് റിപ്പോര്‍ട്ട് നല്‍കി. മന്ത്രി 6.55ന് വോട്ട് ചെയ്‌തു എന്നാരോപിച്ച് അനില്‍ അക്കര എംഎല്‍എ ഉള്‍പ്പടെയുള്ള കോണ്‍ഗ്രസ് നേതൃത്വം രംഗത്തെത്തിയിരുന്നു.
Read also: കണ്ണൂര്‍ ഇടത്തേക്ക് തന്നെ; ആറ് പഞ്ചായത്തുകള്‍ കൂടി പിടിച്ചെടുത്തു
