കൊൽക്കത്ത: പശ്‌ചിമ ബംഗാളിൽ രാഷ്‌ട്രീയ സം‌ഘർഷം നടന്ന മേഖലകള്‍ സന്ദർശിക്കുന്നതിന് ഇടയിൽ ഗവർണർ ജഗ്‌ദീപ് ധാന്‍കറിനെതിരെ കരിങ്കൊടി പ്രതിഷേധം. അക്രമം നടന്ന പ്രധാന സ്‌ഥലങ്ങളിൽ ഒന്നായ കൂച് ബിഹാര്‍ സന്ദര്‍ശിക്കവെയാണ് പ്രതിഷേധം അരങ്ങേറിയത്. ജഗ്‌ദീപ് ധാന്‍കറിന്റെ വാഹനം തടഞ്ഞ ജനക്കൂട്ടം ഗവര്‍ണര്‍ക്കെതിരെ മുദ്രാവാക്യം വിളിക്കുകയും ചെയ്‌തു.
മമതാ സര്‍ക്കാരുമായി പരസ്യ പോര് തുടങ്ങിയതിന് പിന്നാലെയായിരുന്നു ഗവര്‍ണര്‍ അക്രമങ്ങള്‍ നടന്ന സ്‌ഥലങ്ങള്‍ നേരിട്ട് സന്ദര്‍ശിക്കാന്‍ എത്തിയത്. അക്രമങ്ങളില്‍ നിന്ന് രക്ഷ തേടി അസമില്‍ അഭയം തേടിയവരെ കാണാന്‍ നാളെ അസമിലേക്കും ഗവര്‍ണർ ജഗ്‌ദീപ് ധാന്‍കർ പോകുന്നുണ്ട്.
അതേസമയം സംസ്‌ഥാന സർക്കാരിന്റെ അനുമതിയില്ലാതെ സ്‌ഥലങ്ങള്‍ സന്ദര്‍ശിക്കുന്നത് ചട്ടങ്ങളുടെ ലംഘനമാണെന്ന് ഗവർണർക്കെതിരെ മമതാ ബാനർജി വിമർശനം ഉന്നയിച്ചിരുന്നു. മമതയുടേത് ഭരണഘടന വ്യവസ്‌ഥകളെ കുറിച്ചുള്ള പ്രാഥമിക അജ്‌ഞതയാണ് എന്നായിരുന്നു ഗവർണറുടെ പരിഹാസം.
Read also: ലോക്ക്ഡൗൺ; അതിഥി തൊഴിലാളികൾക്ക് സഹായം ഉറപ്പാക്കണമെന്ന് സുപ്രീം കോടതി
