തിരുവനന്തപുരം: സംസ്ഥാനത്ത് കോവിഡ് വ്യാപനം രൂക്ഷമായി തുടരുന്ന സാഹചര്യത്തിൽ നിയന്ത്രണം കടുപ്പിക്കുമെന്ന് വ്യക്‌തമാക്കി മുഖ്യമന്ത്രി പിണറായി വിജയൻ. രോഗികളുടെ എണ്ണം വർധിക്കുന്നതിന് അനുസരിച്ച് ചികിൽസാ സൗകര്യം ഒരുക്കുന്നതിന് മുൻഗണന നൽകുമെന്ന് പറഞ്ഞ മുഖ്യമന്ത്രി ഒരു താലൂക്കിൽ ഒരു സിഎഫ്എൽടിസി എങ്കിലും ഉണ്ടാകുമെന്നും അറിയിച്ചു.
സിഎഫ്എൽടിസി ഇല്ലാത്ത താലൂക്കുകളിൽ ഉടനെ സിഎഫ്എൽടിസികൾ സജ്ജമാക്കും. രോഗികളുടെ വർധനവിനനുസരിച്ച് കൂടുതൽ സിഎഫ്എൽടിസികൾ തുറക്കും; മുഖ്യമന്ത്രി അറിയിച്ചു.
35 ശതമാനത്തിൽ കൂടുതൽ കോവിഡ് വ്യാപനമുള്ള സ്‌ഥലങ്ങളിൽ യുദ്ധകാല അടിസ്‌ഥാനത്തിൽ ഇടപെടൽ നടത്തുമെന്നും മുഖ്യമന്ത്രി പറഞ്ഞു. കോവിഡ് ആശുപത്രികൾ നിരീക്ഷിക്കാൻ സംസ്‌ഥാന തലത്തിൽ ടാസ്‌ക് ഫോഴ്സുകൾ രൂപീകരിക്കുമെന്നും ഇതിന് ചീഫ് സെക്രട്ടറിക്ക് ചുമതല നൽകിയിട്ടുണ്ടെന്നും അദ്ദേഹം അറിയിച്ചു. ഓരോ ദിവസവും സ്‌ഥിതിഗതികൾ കൃത്യമായി റിപ്പോർട് ചെയ്യണമെന്ന് നി‍ർദ്ദേശം നൽകിയതായും മുഖ്യമന്ത്രി അറിയിച്ചു.
കൂടാതെ കോവിഡ് ബോധവൽക്കരണം ശക്‌തിപ്പെടുത്താൻ ക്യാംപയിനുകൾ നടുത്തുമെന്ന് പറഞ്ഞ മുഖ്യമന്ത്രി ഇതിന് തദ്ദേശ സ്വയംഭരണ സ്‌ഥാപനങ്ങളുടെ ഇടപെടൽ പ്രധാനമാണെന്നും പറഞ്ഞു.
അതേസമയം രാത്രികാല നിയന്ത്രണം ശക്‌തമായി തുടരുമെന്നും മുഖ്യമന്ത്രി വ്യക്‌തമാക്കി. എന്നാൽ രാത്രികാലങ്ങളിൽ ആഹാരത്തിന് വിഷമമുണ്ടാകാതെ ശ്രദ്ധിക്കേണ്ടതുണ്ടെന്ന് പറഞ്ഞ മുഖ്യമന്ത്രി നോമ്പുകാലം ആയതിനാൽ വീടുകളിൽ നിന്നല്ലാതെ ഹോട്ടലിനെ ആശ്രയിക്കുന്ന ആളുകൾക്ക് ഭക്ഷണം ലഭ്യമാകുക എന്നത് പ്രധാനമാണെന്നും പറഞ്ഞു. അത്തരം ക്രമീകരണം അതത് സ്‌ഥലത്ത് ഉണ്ടാകണമെന്നും അദ്ദേഹം ഓർമിപ്പിച്ചു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
