ന്യൂ ഡെല്ഹി: ഇന്ത്യ-ശ്രീലങ്ക ഉഭയകക്ഷി ചര്ച്ചകള് ഓണ്ലൈനിലൂടെ, നരേന്ദ്ര മോദിയും മഹിന്ദ രജപക്സെയും പങ്കെടുത്തതായി റിപ്പോര്ട്ടുകള്. സൈനിക, വ്യാപാര മേഖലയിലെ പങ്കാളിത്തം അടക്കമുള്ള വിഷയങ്ങള് ചര്ച്ചയായതായി സൂചനകളുണ്ട്. ശനിയാഴ്ച പകല് 11 മണിക്കാണ് യോഗം നിശ്ചയിച്ചിരുന്നത്.
ശ്രീലങ്കന് അതിര്ത്തിയില് തുടര്ച്ചയായി ഇന്ത്യയില് നിന്നുള്ള മത്സ്യ തൊഴിലാളികള് കടന്നു കയറുന്നതില് രാജ്യത്തിന്റെ അതൃപ്തി അറിയിച്ചിരുന്നു. ഇന്ത്യയുടെ തെക്കന് സംസ്ഥാനങ്ങളിലെ തീരങ്ങളില് നിന്നാണ് കൂടുതലായും ശ്രീലങ്കയുടെ സമുദ്രാതിര്ത്തി കടന്ന് മത്സ്യ തൊഴിലാളികള് എത്തുന്നത്. ഇത് തടയുന്നതിന് ഇന്ത്യയുടെ ഭാഗത്തു നിന്നുള്ള നടപടികള് ശ്രീലങ്ക ആവശ്യപ്പെടുന്നുണ്ട്.
Virtual summit between Prime Minister Rajapaksa and Prime Minister Modi on 26 September.
Full Media Release at : https://t.co/GLk6IdpBz0 @IndiainSL #SriLanka #DiplomacyLk #India @PresRajapaksa @narendramodi
— MFA SL (@MFA_SriLanka) September 23, 2020
ഇരു രാജ്യങ്ങളും തമ്മിലുള്ള ബന്ധം കൂടുതല് മെച്ചപ്പെടുത്താന് കൂടിക്കാഴ്ച സഹായിക്കുമെന്ന് മഹിന്ദ രജപക്സെ ട്വിറ്ററിലൂടെ അഭിപ്രായപ്പെട്ടിരുന്നു. ഇരു രാജ്യങ്ങളുടെയും വിദേശ കാര്യ മന്ത്രാലയങ്ങളും കൂടിക്കാഴ്ചയില് പ്രത്യാശ പ്രകടിപ്പിച്ചു.