കണ്ണൂര്‍: പാനൂരില്‍ ആരോഗ്യവകുപ്പിന്റെ അനാസ്ഥ മൂലം നവജാത ശിശു മരിച്ചെന്ന് പരാതി. പാനൂര്‍ മാണിക്കോത്ത് ഹനീഫ സമീറ ദമ്പതികളുടെ കുഞ്ഞാണ് മരിച്ചത്. ഇവരുടെ വീട്ടില്‍ പ്രസവിച്ച കുഞ്ഞാണ് ചികിത്സ ലഭിക്കാതെ മരണമടഞ്ഞത്.
8 മാസം ഗര്‍ഭിണിയായിരുന്ന സമീറക്ക് ഇന്ന് രാവിലെ ശാരീരിക അസ്വസ്ഥതകള്‍ പ്രകടമായതിനെ തുടര്‍ന്ന് അരോഗ്യവകുപ്പിന്റെ സഹായം അഭ്യര്‍ത്ഥിച്ചിരുന്നു. എന്നാല്‍ ആരോഗ്യവകുപ്പ് സഹായമനുവദിച്ചില്ലായെന്നാണ് ബന്ധുക്കളുടെ ആക്ഷേപം. കോവിഡ് സാഹചര്യങ്ങള്‍ മൂലം വീട്ടിലേക്ക് വരാന്‍ കഴിയില്ലെന്നായിരുന്നു അധികൃതരുടെ നിലപാട്. തുടര്‍ന്ന് തലശേരിയിലെ സ്വകാര്യ ആശുപത്രിയിലേക്ക് കൊണ്ടുപോകും വഴിയായിരുന്നു കുഞ്ഞിന്റെ മരണം. സംഭവത്തില്‍ ഡോക്ടറെയും നഴ്‌സിനെയും സ്ഥലം മാറ്റി.
