തിരുവനന്തപുരം: ഒഡീഷ തീരത്തിന് സമീപം പുതിയ ചക്രവാതച്ചുഴി രൂപപ്പെട്ടതായി കാലാവസ്ഥാ നിരീക്ഷണ കേന്ദ്രം. ആന്ധ്രപ്രാദേശ് റായൽസീമക്ക് സമീപം നിലനിന്ന ചക്രവാതച്ചുഴി ദുർബലമായതിന് പിന്നാലെയാണ് ഇപ്പോൾ ഒഡീഷ തീരത്ത് പുതിയ ചക്രവാതച്ചുഴി രൂപപ്പെട്ടത്.
പുതിയ ചക്രവാതച്ചുഴിയുടെ സ്വാധീനത്തിൽ കേരളത്തിൽ വീണ്ടും മഴ ശക്തമാകാൻ സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം വ്യക്തമാക്കി. മധ്യ-വടക്കൻ കേരളത്തിലാകും മഴ കനക്കുക.
അതേസമയം സംസ്ഥാനത്ത് കനത്ത മഴ തുടരുന്ന സാഹചര്യത്തിൽ 10 ജില്ലകളിൽ യെല്ലോ അലർട് പ്രഖ്യാപിച്ചു. പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂർ, മലപ്പുറം, കോഴിക്കോട്, വയനാട്, കണ്ണൂർ എന്നീ ജില്ലകളിലാണ് നിലവിൽ യെല്ലോ അലർട്. കൂടാതെ സംസ്ഥാനത്തെ മൂന്ന് ഡാമുകളിൽ ജലനിരപ്പ് ഉയരുന്നതിനെ തുടർന്ന് റെഡ് അലർടും പ്രഖ്യാപിച്ചിട്ടുണ്ട്. ഒപ്പം തന്നെ കേരള-കർണാടക തീരത്ത് മൽസ്യബന്ധന വിലക്ക് തുടരുമെന്നും അധികൃതർ വ്യക്തമാക്കി.
Read also: ഫണ്ട് നൽകാത്തതിൽ കട തല്ലിത്തകർത്തു; സിപിഐ ബ്രാഞ്ച് സെക്രട്ടറിക്കെതിരെ പരാതി