പത്തനംതിട്ട: പാർട്ടി ഫണ്ട് നൽകാത്തതിനെ തുടർന്ന് തിരുവല്ലയിൽ സിപിഐ ബ്രാഞ്ച് സെക്രട്ടറിയുടെ നേതൃത്വത്തിൽ കട തല്ലിത്തകർത്തെന്ന് പരാതി. തിരുവല്ല സിപിഐ ബ്രാഞ്ച് സെക്രട്ടറി കുഞ്ഞുമോനെതിരെയാണ് പരാതി. മന്നംകരച്ചിറ ജങ്ഷന് സമീപമുള്ള ശ്രീമുരുകൻ ഹോട്ടലാണ് തകർത്തത്. കടയുടമയെയും ഭാര്യയെയും ബ്രാഞ്ച് സെക്രട്ടറി അസഭ്യം പറഞ്ഞെന്നും ആക്ഷേപമുണ്ട്.
ഇന്നലെ വൈകിട്ടാണ് സംഭവം. കഴിഞ്ഞ നിയമസഭാ തിരഞ്ഞെടുപ്പിന് മുമ്പ് 500 രൂപ നൽകണമെന്ന് ബ്രാഞ്ച് സെക്രട്ടറി കടയിൽ ചെന്ന് ആവശ്യപ്പെട്ടിരുന്നു. എന്നാൽ, മുഴുവൻ തുകയും നൽകാൻ ആവില്ലെന്ന് കടയുടമ വ്യക്തമാക്കിയിരുന്നു. അന്ന് പ്രശ്നങ്ങൾ ഉണ്ടായിരുന്നില്ല. സിപിഐയുടെ സമ്മേളനവുമായി ബന്ധപ്പെട്ടുള്ള പിരിവുമായി കഴിഞ്ഞ ദിവസം വീണ്ടും കടയിൽ എത്തിയപ്പോഴാണ് ആക്രമണം ഉണ്ടായത്.
Most Read: അസമിലും ഉത്തരാഖണ്ഡിലും കനത്ത മഴ തുടരുന്നു; മരണസംഖ്യ ഉയരുന്നു