മലപ്പുറം: നവമാദ്ധ്യമങ്ങൾ ധാര്മികമായി ഉപയോഗപ്പെടുത്തണമെന്നും ഓണ്ലൈന് കുറ്റകൃത്യങ്ങള് വര്ധിച്ച സാഹചര്യത്തില് ചതിയില് അകപ്പെടാതിരിക്കാന് സമൂഹം ഏറെ ശ്രദ്ധ പുലര്ത്തേണ്ടതുണ്ടെന്നും എസ്വൈഎസ് ജില്ലാ ജനറല് സെക്രട്ടറി വിപിഎം ഇസ്ഹാഖ്.
എസ്വൈഎസ് മലപ്പുറം ഈസ്റ്റ് ജില്ലാ കമ്മിറ്റിക്ക് കീഴില് സംഘടിപ്പിച്ച മീഡിയ ശില്പശാല ഉൽഘാടനം ചെയ്ത് സംസാരിക്കുകയായിരുന്നു ഇസ്ഹാഖ്. മലപ്പുറം മഅ്ദിന് കാമ്പസില് സംഘടിപ്പിച്ച മീഡിയാ ശില്പശാലയിൽ അബ്ദുലത്തീഫ് നഹയാണ് (ദി ഹിന്ദു) വിഷയാവതരണം നടത്തിയത്.
പരിപാടിയില് വിവിധ സോണുകളിലെ മീഡിയ സമിതി അംഗങ്ങള്, പിആര് സെക്രട്ടറിമാര്, ജില്ലാ സാംസ്കാരികം ഡയറക്ടറേറ്റ് അംഗങ്ങൾ എന്നിവര് സംബന്ധിച്ചു. എസ്വൈഎസ് ജില്ലാ ഫിനാന്സ് സെക്രട്ടറി കരുവള്ളി അബ്ദുറഹീം അധ്യക്ഷത വഹിച്ചു. ജില്ലാ പിആര് സെക്രട്ടറി പിപി മുജീബ് റഹ്മാൻ, സോണ് പ്രസിഡണ്ട് ദുല്ഫുഖാര് അലി സഖാഫി, നജീബ് കല്ലരട്ടിക്കല്, ഖാലിദ് സഖാഫി സ്വലാത്ത് നഗര് എന്നിവര് പ്രസംഗിച്ചു.
Most Read: യുപിയിൽ നിന്ന് കാണാതായ കുഞ്ഞിന്റെ മൃതദേഹം മൃഗങ്ങൾ ഭക്ഷിച്ച നിലയിൽ; ദുരൂഹത ബാക്കി