ന്യൂഡല്ഹി :രാജ്യത്തെ ഒന്നും രണ്ടും വര്ഷ ബിരുദപരീക്ഷകള് നടത്തരുതെന്ന ഹര്ജി തള്ളി സുപ്രീം കോടതി. പരീക്ഷാനടത്തിപ്പുമായി ബന്ധപ്പെട്ട് യുജിസി മാര്ഗ്ഗനിര്ദ്ദേശങ്ങള് പ്രകാരം സര്വകലാശാലകള്ക്ക് വിവേചനാധികാരം നല്കിയിയിട്ടുണ്ടെന്ന് സുപ്രീം കോടതി വ്യക്തമാക്കി. സര്വകലാശാലകള് തീരുമാനിച്ചാല് പരീക്ഷകള് നടത്താനാവുമെന്നും കോടതി ചൂണ്ടികാണിച്ചു. കോവിഡ് സാഹചര്യങ്ങള് മൂലം മാറ്റിവെച്ചിരുന്ന പരീക്ഷകള് നടത്താന് സര്വകലാശാലകള്ക്ക് തടസമില്ലെന്നും കോടതി വ്യക്തമാക്കി.
ബിരുദ, ബിരുദാനന്തരതല അവസാനവര്ഷ പരീക്ഷകള് നടത്തരുതെന്ന ഹര്ജിയും കോടതി നേരത്തെ തള്ളിയിരുന്നു.അവസാനവര്ഷ പരീക്ഷകള് ഈ മാസം 30നുള്ളില് പൂര്ത്തിയാക്കണമെന്ന നിര്ദേശവും കോടതി പുറപ്പെടുവിച്ചിട്ടുണ്ട്.