പയ്യന്നൂർ: ഒരു റിസർവേഷൻ കൗണ്ടർ കൂടി പയ്യന്നൂർ റെയിൽവേ സ്‌റ്റേഷനിൽ പ്രവർത്തനം ആരംഭിച്ചു. രാവിലെ 10 മണി മുതൽ വൈകീട്ട് 5 മണി വരെയാണ് പുതിയ കൗണ്ടറിന്റെ പ്രവർത്തന സമയം. രാവിലെ 8 മുതൽ ഉച്ചക്ക് 2 വരെയാണ് നിലവിലുള്ള കൗണ്ടർ പ്രവർത്തിച്ചിരുന്നത്.
റിസർവേഷൻ കൗണ്ടറിന്റെ പ്രവർത്തന സമയം പുനഃസ്‌ഥാപിക്കണമെന്ന് ഏറെ നാളായി യാത്രക്കാർ ആവശ്യപ്പെട്ടിരുന്നു. കോവിഡ് നിയന്ത്രണങ്ങൾ പ്രഖ്യാപിച്ചതിനെ തുടർന്ന് ഒരു വർഷം മുൻപ് നിർത്തലാക്കിയ ട്രെയിൻ ഗതാഗതം പിന്നീട് ഭാഗികമായി വീണ്ടും ആരംഭിച്ചപ്പോൾ റിസർവേഷൻ കൗണ്ടറിന്റെ പ്രവർത്തന സമയം ചുരുക്കിയിരുന്നു. എന്നാൽ ഇത് പുനഃസ്‌ഥാപിക്കാത്തത് വൻ പ്രതിഷേധത്തിന് ഇടയാക്കി.
ഇതോടെ നേരത്തെ ഉണ്ടായിരുന്ന രണ്ട് റിസർവേഷൻ കൗണ്ടറുകളും പഴയത് പോലെ മുഴുവൻ സമയവും പ്രവർത്തിക്കണം എന്നാവശ്യപ്പെട്ട് സി കൃഷ്‌ണൻ എംഎൽഎ പാലക്കാട് ഡിവിഷൻ മാനേജർക്ക് നിവേദനം നൽകിയിരുന്നു. ഇതേ തുടർന്നാണ് നടപടി.
കോവിഡ് നിയന്ത്രണങ്ങൾക്ക് മുൻപ് രാവിലെ 8 മുതൽ രാത്രി 8 മണി വരെയാണ് റിസർവേഷൻ ടിക്കറ്റ് കൗണ്ടർ പ്രവർത്തിച്ചിരുന്നത്. രണ്ട് ജനറൽ ടിക്കറ്റ് കൗണ്ടറും ഇതോടൊപ്പം പ്രവർത്തിച്ചിരുന്നു.
Malabar News: കനോലി കനാൽ നവീകരണം ഉടൻ ആരംഭിക്കും
