മക്ക: ഉംറ തീർഥാടനവും, ഹറം പള്ളി സന്ദർശനവും വാക്‌സിൻ എടുത്ത ആളുകൾക്ക് മാത്രമായിരിക്കുമെന്ന് വ്യക്‌തമാക്കി അധികൃതർ. മദീനയിലെ പ്രവാചക പള്ളി സന്ദർശിക്കുന്നതിനും ഇത് ബാധകമാണ്. എന്നാൽ വാക്‌സിനേഷനിൽ ഇളവുള്ള ആളുകൾക്ക് രേഖ കാണിച്ചാൽ പ്രവേശനം അനുവദിക്കുമെന്നും അധികൃതർ കൂട്ടിച്ചേർത്തു.
സൗദിയിൽ നിലവിൽ വാക്‌സിൻ സ്വീകരിച്ച ആളുകളെ മാത്രമാണ് പൊതു സ്‌ഥലങ്ങളിൽ പ്രവേശിപ്പിക്കുക. വാക്‌സിനേറ്റഡ് എന്ന് തവക്കൽനാ ആപ്പിൽ കാണിക്കുന്നവർക്ക് മാത്രമാണ് ഇന്നലെ മുതൽ പൊതുസ്‌ഥലങ്ങളിലും, പൊതുഗതാഗതമായ ബസിലും ട്രെയിനിലും പ്രവേശനം അനുവദിക്കുന്നത്.
വാക്‌സിനേഷൻ നിയന്ത്രണങ്ങൾ കർശനമാക്കിയതോടെ വാക്‌സിൻ സ്വീകരിക്കാത്ത ആളുകൾക്ക് പുറത്തിറങ്ങാൻ സാധിക്കാത്ത സ്‌ഥിതിയായി. എന്നാൽ സൗദിയിലെ വാക്‌സിൻ കേന്ദ്രങ്ങളിൽ ബുക്കിംഗ് ലഭ്യമാണെന്നും, വാക്‌സിൻ സ്വീകരിക്കാത്ത ആളുകൾ എത്രയും വേഗം വാക്‌സിൻ സ്വീകരിക്കണമെന്നും അധികൃതർ വ്യക്‌തമാക്കി.
Read also: വിഴിഞ്ഞം പുലിമുട്ട് നിർമാണം വൈകിയത് തിരിച്ചടിയായി; മന്ത്രി
