വയനാട് : സംസ്‌ഥാനത്ത് കാസർഗോഡിന് പിന്നാലെ വയനാട്ടിലെ സ്വകാര്യ ആശുപത്രിയിലും ഓക്‌സിജൻ ക്ഷാമം. ജില്ലയിലെ കൽപ്പറ്റ ഫാത്തിമ ആശുപത്രിയാണ് നിലവിൽ ഓക്‌സിജൻ ക്ഷാമം നേരിടുന്നത്. ആശുപത്രിയിൽ ഓക്‌സിജൻ ആവശ്യമായ 4 രോഗികളാണ് ചികിൽസയിൽ കഴിഞ്ഞിരുന്നത്. ഇവർക്ക് ഇന്ന് വൈകുന്നേരം വരെ നൽകാനുള്ള ഓക്‌സിജൻ മാത്രമേ ബാക്കിയുള്ളൂ എന്നാണ് ആശുപത്രി അധികൃതർ വ്യക്‌തമാക്കിയത്‌.
ഈ സാഹചര്യത്തിൽ വെന്റിലേറ്ററിൽ കഴിഞ്ഞിരുന്ന 2 രോഗികളെ നിലവിൽ സ്വകാര്യ മെഡിക്കൽ കോളേജിലേക്ക് മാറ്റിയിട്ടുണ്ട്. കൽപ്പറ്റയിലെ സ്വകാര്യ ആശുപത്രിയിൽ നേരിട്ട ഓക്‌സിജൻ ക്ഷാമം ശ്രദ്ധയിൽ പെട്ടിട്ടുണ്ടെന്നും, ഇന്ന് രാത്രിക്ക് മുൻപ് പരിഹാരം കാണുമെന്നും ആരോഗ്യവകുപ്പ് വ്യക്‌തമാക്കി. കോഴിക്കോട് നിന്നുള്ള ഏജൻസിയാണ് വയനാട്ടിൽ ഓക്‌സിജൻ എത്തിക്കുന്നത്. ഇവർക്ക് ഓക്‌സിജൻ ലഭിക്കാത്തതാണ് ക്ഷാമം നേരിടാൻ കാരണമെന്നും, ഉടൻ തന്നെ ഇതിന് പരിഹാരം കാണുമെന്നും ഡിഎംഒ അറിയിച്ചു.
Read also : കോവിഡ് വാക്‌സിൻ സൗജന്യമാക്കണം; പ്രധാനമന്ത്രിയോട് ലാലുപ്രസാദ് യാദവ്
