പാലക്കാട്: ജില്ലയിൽ ഇതുവരെ 9,16,919 പേർ കോവിഡ് വാക്‌സിൻ സ്വീകരിച്ചു. ഇതിൽ 6,85,800 പേർ ഒന്നാം ഡോസ് വാക്‌സിനും 2,31,119 പേർ രണ്ടാം ഡോസും സ്വീകരിച്ചു. വാക്‌സിനേഷൻ നടന്ന ഒരു സ്വകാര്യ ആശുപത്രിയിലും 80 സർക്കാർ കേന്ദ്രങ്ങളിലുമായി 13,629 പേരാണ് ഇന്ന് മാത്രം വാക്‌സിൻ സ്വീകരിച്ചത്.
4,45,135 പുരുഷൻമാരും 4,71,655 സ്‌ത്രീകളും വാക്‌സിൻ സ്വീകരിച്ചു. 60 വയസിന് മുകളിൽ പ്രായമുള്ള 4,16,962 പേരും 45നും 60നും ഇടയിൽ പ്രായമുള്ള 3,15,617 പേരും വാക്‌സിനേഷൻ നടത്തി. 18 മുതൽ 44 വയസു വരെ പ്രായമുള്ള 1,84,340 പേരാണ് ജില്ലയിൽ ഇതുവരെ വാക്‌സിൻ സ്വീകരിച്ചത്.
അതേസമയം, ജില്ലയിൽ ഇന്ന് 1098 പേർക്ക് കോവിഡ് ബാധ സ്‌ഥിരീകരിച്ചു. ഇതിൽ 723 പേർക്ക് സമ്പർക്കത്തിലൂടെയാണ് രോഗബാധ ഉണ്ടായിരിക്കുന്നത്. 1192 പേർ ഇന്ന് രോഗമുക്‌തി നേടിയപ്പോൾ അഞ്ച് കോവിഡ് മരണങ്ങളും ജില്ലയിൽ ഇന്ന് സ്‌ഥിരീകരിച്ചു.
Most Read: പേരിനുപോലും മഴയില്ല; കൃഷി ഇറക്കാനാകാതെ വയനാട്ടിലെ നെൽകർഷകർ; പ്രതിസന്ധി
