തിരുവനന്തപുരം: വിതുരയില് 12 വയസുകാരിയെ പീഡിപ്പിച്ച കേസിൽ പാസ്റ്റര് അറസ്റ്റില്. വിതുര സ്വദേശി ബെഞ്ചമിനാണ് (68) കഴിഞ്ഞ ദിവസം രാത്രി പിടിയിലായത്.
ആറ് മാസം മുമ്പ് കൂട്ടുകാരിയുമായി ബെഞ്ചമിന്റെ വീട്ടില് പോയ കുട്ടിയെ മുറിയില് കൊണ്ടുപോയി പീഡിപ്പിച്ചുവെന്നാണ് കേസ്. നടന്ന കാര്യങ്ങള് പുറത്തു പറയരുതെന്ന് ഇയാൾ കുട്ടിയെ ഭീഷണിപ്പെടുത്തുകയും ചെയ്തിരുന്നു.
എന്നാല് വീട്ടിലെത്തിയ പെണ്കുട്ടി സംഭവം സഹോദരിയോട് പറഞ്ഞിരുന്നു. കഴിഞ്ഞ ദിവസം സ്കൂളിലെത്തിയ ചൈല്ഡ് ലൈന് പ്രവര്ത്തകര് പെണ്കുട്ടിയുടെ സഹോദരിയെ കൗണ്സിലിംഗിന് വിധേയമാക്കിയപ്പോഴാണ് 12 വയസുകാരിക്ക് നേരെയുണ്ടായ പീഡന വിവരം പുറത്തറിയുന്നത്. തുടര്ന്ന് സിഡബ്ള്യുസി വിതുര പോലീസിന് പരാതി നല്കുകയും പ്രതിയെ പിടികൂടുകയും ആയിരുന്നു.
Most Read: ലക്ഷങ്ങളുടെ തിരിമറി; വില്ലേജ് ഫീൽഡ് അസിസ്റ്റന്റ് പിടിയിൽ