പട്ടാമ്പി: സ്റ്റേഷനിലെ ആകെ പോലീസുകാരിൽ 10 പോലീസ് ഉദ്യോഗസ്ഥർക്കും കോവിഡ് പോസിറ്റീവ് ആയതിനെ തുടർന്ന് പട്ടാമ്പി പോലീസ് സ്റ്റേഷനിൽ എസ്വൈഎസിന്റെ ‘സാന്ത്വനം’ വളണ്ടിയർമാർ അണുനശീകരണം നടത്തി.
എസ്വൈഎസ് കൊപ്പം പട്ടാമ്പി സോണുകൾ സംയുക്തമായി നടത്തിയ അണുനശീകരണ പരിപാടിക്ക് എസ്വൈഎസ് കൊപ്പം സോൺ സാന്ത്വനം എമർജൻസി ടീം അംഗങ്ങളായ ത്വാഹിർ സഖാഫി ആമയൂർ, ഷബീർ കരിങ്ങനാട്, എസ്വൈഎസ് പട്ടാമ്പി സോൺ എമർജൻസി ടീം അംഗങ്ങളായ വിടി അൻസാർ കരിമ്പുള്ളി, വിടി റിയാസ് കരിമ്പുള്ളി, മുനീർ ഞാങ്ങാട്ടിരി എന്നിവർ നേതൃത്വം നൽകി.
പട്ടാമ്പി സിഐ എ പ്രേംജിത്ത്, എസ്ഐ ബിന്ദുലാൽ, എഎസ്ഐ ഉണ്ണി, റൈറ്റർ സന്ധ്യ, സിപിഒ പ്രതീഷ് കുമാർ എന്നിവർ സംബന്ധിച്ചു.
Most Read: ആശങ്കയൊഴിഞ്ഞു; ചൈനീസ് റോക്കറ്റ് ഇന്ത്യന് മഹാസമുദ്രത്തില് പതിച്ചു