തിരുവനന്തപുരം: പിഡിപി നേതാവ് പൂന്തുറ സിറാജ് അന്തരിച്ചു. 57 വയസായിരുന്നു. ഏറെ കാലമായി അർബുദ രോഗബാധിതനായി ചികിൽസയിലായിരുന്നു ഇദ്ദേഹം. രോഗം മൂർച്ഛിച്ചതിനെ തുടർന്ന് തിരുവനന്തപുരത്തെ സ്വകാര്യ ആശുപത്രിയിൽ പ്രവേശിപ്പിച്ചിരിക്കുകയായിരുന്നു. ഇന്ന് വൈകിട്ടായിരുന്നു അന്ത്യം.
പിഡിപിയുടെ പ്രധാനപ്പെട്ട നേതാവായിരുന്നു പൂന്തുറ സിറാജ്. മഅ്ദനി ജയിലിലായതിന് ശേഷം പിഡിപിയുടെ സംഘാടക ചുമതലയും ഇദ്ദേഹത്തിനായിരുന്നു. 2019ന്റെ അവസാനം പിഡിപിയുമായി പിണങ്ങിയ ശേഷം ഇദ്ദേഹം ഐഎൻഎല്ലിൽ ചേർന്നിരുന്നു. ഇതിന് ശേഷം തിരുവനന്തപുരം കോർപറേഷനിൽ ഇടതുപക്ഷ ജനാധിപത്യ മുന്നണിയുടെ സ്‌ഥാനാർഥിയായി മാണിക്യംവിളാകം വാർഡിൽ മൽസരിക്കാൻ ഒരു ശ്രമം നടത്തിയിരുന്നു. എന്നാൽ, തിരുവനന്തപുരം ജില്ലാ കമ്മിറ്റിയുടെ രൂക്ഷമായ എതിർപ്പിനെ തുടർന്ന് ഇദ്ദേഹത്തിന് പിൻവാങ്ങേണ്ടി വന്നു.
പിന്നീട് ഐഎൻഎല്ലുമായും തെറ്റിയ സിറാജ് വീണ്ടും പിഡിപിയിലേക്ക് പോവുകയായിരുന്നു. തുടർന്ന് പിഡിപിയുമായി സഹകരിച്ച് പ്രവർത്തിച്ചു വരികയായിരുന്നു ഇദ്ദേഹം. ഇതിനിടെയാണ് രോഗം കലശലായതും മരണം സംഭവിച്ചതും.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
