പാലക്കാട്: നെൻമാറ- വല്ലങ്ങി വേലകളിലെ വെടിക്കെട്ടിന് അനുമതി നൽകിയതായി അഡീഷണൽ ജില്ലാ മജിസ്ട്രേറ്റ് അറിയിച്ചു. നെൻമാറയിൽ ഏപ്രിൽ ഒന്നിന് വൈകിട്ട് 7.30നും ഏപ്രിൽ രണ്ടിന് വൈകിട്ട് 4.50നും 6.30നും ഏഴിനും ഇടയിലുള്ള സമയത്തും ഏപ്രിൽ മൂന്നിന് രാവിലെ ആറുമുതൽ ഏഴ് വരെയും വെടിക്കെട്ട് നടത്താം.
വല്ലങ്ങിയിൽ ഏപ്രിൽ രണ്ടിനും മൂന്നിനും വൈകിട്ട് ആറുമുതൽ 6.30 വരെയുമാണ് വെടിക്കെട്ടിന് അനുമതിയുള്ളത്. ഹൈക്കോടതിയുടെ ഉത്തരവിന്റെ അടിസ്ഥാനത്തിൽ അപേക്ഷ പുനഃപരിശോധന നടത്തുകയും പോരായ്മകൾ അപേക്ഷകൻ പരിഹരിച്ചതായി ബോധ്യപ്പെട്ടതിനാലുമാണ് അനുമതി നൽകിയത്. കേരളത്തിലെ തന്നെ ഏറ്റവും വലിയ വെടിക്കെട്ടുകളിൽ ഒന്നാണ് നെൻമാറയിലേത്. ഏപ്രിൽ 1,2,3 തീയതികളിലാണ് നെൻമാറ- വല്ലങ്ങി വേല.
Most Read| അധിക്ഷേപ പരാമർശം; സത്യഭാമക്കെതിരെ ജാമ്യമില്ലാ വകുപ്പ് ചുമത്തി കേസെടുത്തു