രാജ്യത്ത് പെട്രോള്‍ വില വീണ്ടും വര്‍ധിച്ചു. 14 പൈസയാണ് പെട്രോളിന് വര്‍ധിച്ചത്. ഇതോടെ കൊച്ചിയിലെ ഇന്നത്തെ പെട്രോള്‍ വില 81 രൂപ 59 പൈസയായി.
കോഴിക്കോട് ഒരു ലിറ്റര്‍ പെട്രോളിന്റെ വില 81.75 രൂപയാണ്. ഡീസല്‍ 77 രൂപ 50 പൈസയില്‍ മാറ്റമില്ലാതെ തുടരുകയാണ്.
മൂന്നു ദിവസം കൊണ്ട് ഡല്‍ഹിയില്‍ പെട്രോള്‍ വില 45 പൈസകൂടി 81.35 രൂപയായി. അതേസമയം മുംബൈയില്‍ ലിറ്ററിന് 88.02 രൂപയും ഹൈദരാബാദില്‍ 84.55 രൂപയുമാണ് പെട്രോളിന്റെ വില. ചെന്നൈയിലും ബെംഗളുരുവിലും കൊല്‍ക്കത്തയിലും യഥാക്രമം 84.40 രൂപ, 83.99 രൂപ, 82.87 രൂപ എന്നിങ്ങനെയാണ് പെട്രോള്‍ വില. 54 പൈസയാണ് പെട്രോളിന് കഴിഞ്ഞ 10 ദിവസത്തിനിടെ വര്‍ധിച്ചത്.
