ന്യൂഡെല്ഹി: ആഗോള നിക്ഷേപകരെ ഇന്ത്യന് മണ്ണിലേക്ക് സ്വാഗതം ചെയ്യുന്നതായി കേന്ദ്ര വാണിജ്യ വ്യവസായ മന്ത്രി പിയൂഷ് ഗോയല്. ബാങ്ക് ഓഫ് അമേരിക്ക സംഘടിപ്പിച്ച ‘ഇന്ത്യ: ഡ്രൈവേഴ്സ് ഓഫ് ചേഞ്ച്‘ എന്ന സെമിനാറില് വീഡിയോ കോണ്ഫറന്സ് മുഖേന സംസാരിക്കുക ആയിരുന്നു അദ്ദേഹം. രാജ്യം നിങ്ങളുടെ നിക്ഷേപത്തിനെ വിലമതിക്കുന്നുവെന്ന് അദ്ദേഹം പറഞ്ഞു.
ഇന്ത്യന് ആഭ്യന്തര വിപണിയുടെ നേട്ടങ്ങള് വര്ധിക്കുന്നതിനൊപ്പം ഇവിടുത്തെ വാണിജ്യ സൗഹൃദ നിലപാടുകള് ലോകത്തിന് മുന്പില് അവതരിപ്പിക്കാന് കഴിയുമെന്നും അദ്ദേഹം പ്രത്യാശ പ്രകടിപ്പിച്ചു. നിക്ഷേപകര്ക്ക് ലോകത്തിലെ ഏറ്റവും വിശ്വസ്ത രാജ്യമായിരിക്കും ഇന്ത്യയെന്നും അദ്ദേഹം പറഞ്ഞു.
‘ഇവിടുത്തെ സുതാര്യവും, ജനാധിപത്യ പരവുമായ അന്തരീക്ഷം നിക്ഷേപകര്ക്ക് ഗുണം ചെയ്യും. രാജ്യം എല്ലാ മേഖലയിലും കൃത്യമായ സ്ഥാനം അന്വേഷിക്കുകയാണ്. സര്ക്കാര് മുഴുവന് ഒറ്റക്കെട്ടായാണ് പ്രവര്ത്തിക്കുന്നത്’ ഗോയല് പറഞ്ഞു. കേന്ദ്ര വാണിജ്യ വ്യവസായ മന്ത്രാലയം തന്നെയാണ് വിവരം പുറത്തുവിട്ടത്.
Read Also: സംഘപരിവാര് എതിര്പ്പ്; സിലബസില് നിന്ന് അരുന്ധതി റോയിയുടെ പുസ്തകം നീക്കി സര്വകലാശാല