മലപ്പുറം : പിഴ ഈടാക്കുമ്പോൾ നൽകുന്ന രസീതിൽ കൃത്രിമം കാണിച്ച സംഭവത്തിൽ എസ്‌ഐക്ക് സസ്‌പെൻഷൻ. പ്രിൻസിപ്പൽ എസ്ഐ സിവി ബിബിനെയാണ് ഡിഐജി അന്വേഷണ വിധേയമായി സസ്‍പെൻഡ് ചെയ്‌തത്. വിവിധ കേസുകളിൽ പിഴ ചുമത്തിയതിൽ നൽകിയ രസീതുകളിൽ വെട്ടിത്തിരുത്തലുകൾ കണ്ടെത്തിയതിനെ തുടർന്നാണ് എസ്‌ഐക്ക് എതിരെ ഇപ്പോൾ നടപടി സ്വീകരിച്ചത്.
പിഴ ഈടാക്കുമ്പോൾ അവർക്ക് നൽകുന്ന രസീതിൽ ഉള്ളതിനേക്കാൾ കുറഞ്ഞ തുകയാണ് പകർപ്പ് രസീതിൽ രേഖപ്പെടുത്തുന്നത്. സംഭവം പുറത്തറിഞ്ഞതോടെ അന്വേഷണത്തിനായി മലപ്പുറം ഡിവൈഎസ്‌പി എംകെ സുദർശനനെ നിയോഗിച്ചിരുന്നു. അന്വേഷണം നടത്തിയതിന്റെ റിപ്പോർട് ഡിജിപിക്ക് സമർപ്പിച്ചതിനെ തുടർന്നാണ് നടപടി സ്വീകരിച്ചത്. തിരഞ്ഞെടുപ്പിന്റെ ഭാഗമായുള്ള അന്തർജില്ലാ സ്‌ഥലം മാറ്റത്തിന്റെ ഭാഗമായി തൃശൂരിൽ നിന്നാണ് ഇദ്ദേഹം മലപ്പുറം ജില്ലയിലെ തിരൂരങ്ങാടി സ്‌റ്റേഷനിൽ ചുമതലയേറ്റത്.
Read also : ഐഎസ്ആര്‍ഒ ചാരക്കേസിൽ കരുണാകരനെ ബലിയാടാക്കി; കെവി തോമസ്
