കൊച്ചി: പോലീസ് സംരക്ഷണം തേടി തൃക്കാക്കര നഗരസഭാധ്യക്ഷ അജിത തങ്കപ്പൻ സമർപ്പിച്ച ഹരജി ഇന്ന് ഹൈക്കോടതി പരിഗണിക്കും. പ്രതിപക്ഷ കൗൺസിലർമാരിൽ നിന്നും തനിക്ക് ജീവന് ഭീഷണിയുണ്ട്. പ്രതിപക്ഷ അംഗങ്ങൾ കയ്യേറ്റം ചെയ്യുകയും ചേംബറിൽ തടഞ്ഞു വയ്ക്കുകയും ചെയ്തു. തനിക്ക് പോലീസ് സംരക്ഷണം നൽകണമെന്ന ഹൈക്കോടതി ഉത്തരവ് പാലിക്കുന്നില്ലെന്നും നഗരസഭാ അധ്യക്ഷ ഹൈക്കോടതിയിൽ നൽകിയ ഹരജിയിൽ ആരോപിക്കുന്നു.
തൃക്കാക്കര നഗരസഭയുടെ പ്രവര്ത്തനം തടസപ്പെട്ട സംഭവത്തില് സര്ക്കാരിനോട് ഹൈക്കോടതി നേരത്തെ വിശദീകരണം തേടിയിരുന്നു. സംഭവത്തില് വിശദമായ സത്യവാങ്മൂലം നല്കാന് സര്ക്കാരിന് കോടതി നിര്ദ്ദേശം നല്കി. നഗരസഭയുടെ സുഗമമായ നടത്തിപ്പിന് പോലീസ് സംരക്ഷണം ഉറപ്പാക്കണമെന്ന മുന് ഉത്തരവ് കര്ശനമായി പാലിക്കണമെന്നും കോടതി ചൂണ്ടിക്കാട്ടിയിരുന്നു.
നേരത്തെ അധ്യക്ഷക്കെതിരായ പ്രതിഷേധത്തെ തുടര്ന്ന് നഗരസഭയുടെ പ്രവര്ത്തനം തടസപ്പെടുകയും കൗണ്സിലര്മാര് ഉൾപ്പടെടെയുള്ളവര്ക്ക് പരിക്കേൽക്കുകയും ചെയ്തിരുന്നു. അതേസമയം, അജിത തങ്കപ്പനെതിരെ സെപ്റ്റംബർ 23ന് പ്രതിപക്ഷം അവിശ്വാസ പ്രമേയം അവതരിപ്പിക്കും. 43 അംഗ കൗൺസിലിൽ യുഡിഎഫിന് 21 അംഗങ്ങളും എൽഡിഎഫിന് 17 അംഗങ്ങളുമാണുള്ളത്.
വിശ്വാസം നേടാൻ യുഡിഎഫിന് വേണ്ടത് ഒരു സ്വതന്ത്രന്റെ കൂടി മാത്രം പിന്തുണയാണ്. എൽഡിഎഫിന് വേണ്ടത് അഞ്ചു പേരുടെ കൂടി പിന്തുണയും. ആകെ അഞ്ച് സ്വതന്ത്രൻമാരാണ് തൃക്കാക്കര നഗരസഭയിൽ ഉള്ളത്. ഒരു സ്വതന്ത്രൻ എൽഡിഎഫിനൊപ്പമാണ്. നാലു പേർ കൂടി അനുകൂലിച്ചാൽ അവിശ്വാസപ്രമേയം പാസാകും.
Most Read: ചന്ദ്രിക കള്ളപ്പണ കേസ്; മുഈൻ അലി തങ്ങൾ ഇഡിക്ക് മുൻപിൽ ഹാജരാകും