അമ്മയെയും മകനെയും അകാരണമായി തടഞ്ഞു, കയ്യേറ്റം; പോലീസിനെതിരെ പരാതി

By News Desk, Malabar News
Complaint against police
Representational Image
Ajwa Travels

വയനാട്: കോവിഡ് നിയന്ത്രണങ്ങളുടെ പേരില്‍ വയനാട്ടില്‍ അമ്മയെയും മകനെയും പൊലീസ് അകാരണമായി തടഞ്ഞുവച്ച് മർദ്ദിച്ചതായി പരാതി. കോവിഡ് ടെസ്‌റ്റിന് വേണ്ടി പോവുന്നതിനിടെ മീനങ്ങാടിയില്‍ വെച്ചായിരുന്നു പോലീസിന്റെ കയ്യേറ്റം.

കഴിഞ്ഞ ഞായറാഴ്‌ച ലോക്ക്‌ഡൗൺ പരിശോധനക്കിടെ ആയിരുന്നു സംഭവം. മീനങ്ങാടി എസ്‌ഐ ശ്രീധരനെതിരെയാണ് പരാതി. കോളേരി സ്വദേശികളായ ശ്രീകല, അര്‍ജുന്‍ എന്നിവരാണ് പരാതിയുമായി രംഗത്തെത്തിയത്. മുഖ്യമന്ത്രി, ഡിജിപി, ജില്ലാ പോലിസ് മേധാവി എന്നിവര്‍ക്ക് പരാതി നൽകിയിട്ടുണ്ട്.

അമ്മയെയും മകനെയും തടഞ്ഞു വെച്ച് കയ്യേറ്റം ചെയ്‌തതായും, അശ്‌ളീലം പറഞ്ഞ് ആക്ഷേപിച്ചെന്നുമാണ് പരാതിയില്‍ പറയുന്നത്. കോവിഡ് ടെസ്‌റ്റിനായി പോയ തങ്ങളെ വഴിയില്‍ പോലീസ് പരിശോധനക്കായി തടയുകയും വിവരം അറിയിച്ചിട്ടും ചെവിക്കൊണ്ടില്ലെന്നും പരാതിക്കാര്‍ ചൂണ്ടിക്കാട്ടുന്നു. മകന്‍ കോവിഡ് പോസിറ്റിവായതിനെ തുടര്‍ന്ന് ഇരുവരും ക്വാറന്റൈയ്‌നില്‍ ആയിരുന്നു, ഇതിനിടെ അമ്മക്ക് രോഗ ലക്ഷണങ്ങള്‍ കണ്ടതോടെ പരിശോധിക്കാന്‍ പോവുകയുമായിരുന്നു ഇരുവരും. ഇതിനിടെയാണ് സംഭവം നടന്നത്.

Also Read: മീഡിയാ വൺ രാജ്യദ്രോഹ ചാനൽ, കേന്ദ്രത്തിന്റേത് രാഷ്‌ട്രീയ നടപടിയല്ല; സുരേന്ദ്രൻ

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE