മലപ്പുറം: മഅ്ദിൻ സംഘടിപ്പിച്ച റമളാൻ ആത്മീയ സംഗമം പലസ്തീൻ ജനതയുടെ സമാധാനത്തിനും ഇസ്രായേൽ ഭരണകൂടത്തിന്റെ മാനസാന്തരത്തിനും സവിശേഷ പ്രാർഥന സംഘടിപ്പിച്ചു.
പതിനായിരത്തിലധികം കുടുംബങ്ങള് ഓൺലൈനായി സംബന്ധിച്ച ആത്മീയ സംഗമത്തിലായിരുന്നു ക്രൂരമായ പീഢനങ്ങള്ക്ക് ഇരയായികൊണ്ടിരിക്കുന്ന പലസ്തീൻ ജനതക്ക് ഐക്യദാര്ഢ്യം പ്രഖ്യാപിച്ചുകൊണ്ടുള്ള പ്രത്യേക പ്രാർഥന നടന്നത്.
പിഞ്ചുകുഞ്ഞുങ്ങളും പ്രായമായവരും ഉൾപ്പടെ നിരപരാധികളായ പലസ്തീൻ ജനതക്ക് മേൽ ഇസ്രായേൽ നടത്തുന്ന മനുഷ്യത്വ വിരുദ്ധമായ ക്രൂരതകൾ അവസാനിപ്പിക്കണമെന്ന് പ്രാർഥനക്ക് നേതൃത്വം നൽകിയ മഅ്ദിൻ ചെയർമാൻ സയ്യിദ് ഇബ്റാഹീമുല് ഖലീല് അല് ബുഖാരി ആവശ്യപ്പെട്ടു.
ലോക മനുഷ്യാവകാശ തത്വങ്ങളുടെ ലംഘനമാണ് ഇസ്രായേൽ നടത്തുന്നതെന്നും ഇസ്രായേൽ കാട്ടി കൂട്ടുന്ന ഭീകരത അവസാനിപ്പിച്ച് സമാധാനം പുനസ്ഥാപിക്കാന് ഐക്യരാഷ്ട്രസഭ ഇടപെടണമെന്നും ഇദ്ദേഹം കൂട്ടിച്ചേര്ത്തു. റമളാനിന് വിടചൊല്ലുന്നതിന്റെ ഭാഗമായി മഅ്ദിൻ അക്കാദമിക്ക് കീഴില് ഇന്നലെ ഓണ്ലൈനായി സംഘടിപ്പിച്ച ‘വിദാഅന് റമളാന്’ പ്രാർഥനാ സംഗമത്തിൽ സമസ്ത സെക്രട്ടറി ഇബ്റാഹീം ബാഖവി മേല്മുറി അധ്യക്ഷത വഹിച്ചു.
സ്വഫ്വാന് സഖാഫി പത്തപ്പിരിയം പ്രഭാഷണം നടത്തി. ദുല്ഫുഖാര് അലി സഖാഫി, അഷ്കര് സഅദി താനാളൂര്, ഹാഫിള് നഈം കുറ്റൂര് എന്നിവര് സംഗമത്തിലെ വിവിധ സെഷനുകള്ക്ക് നേതൃത്വം നല്കി.
Most Read: ദേവപ്രയാഗിൽ മേഘവിസ്ഫോടനം; കെട്ടിടങ്ങൾ തകർന്നു, ആളപായമില്ല