മലപ്പുറം: പ്രതിസന്ധികളിൽ തളരുന്ന വിശ്വാസികൾക്ക് മാനസികമായ കരുത്ത് പകരാൻ കേരള മുസ്‌ലിം ജമാഅത്ത് മലപ്പുറം ജില്ലാകമ്മിറ്റി ‘ദുആ മജ്‌ലിസ്’ അഥവാ പ്രാർഥനാ സംഗമം സംഘടിപ്പിക്കുന്നു.
കോവിഡ് മഹാമാരി സൃഷ്‌ടിച്ച അനിശ്‌ചിതത്വവും ട്രിപ്പിൾ ലോക്ക് ഡൗൺ വ്യക്‌തികളിലും കുടുംബങ്ങളിലും സൃഷ്‌ടിച്ച സാമ്പത്തികവും മാനസികവുമായ പ്രതിസന്ധിയും രൂക്ഷമാണ്. ഇതിനിടയിലാണ് പേമാരിയും കടലാക്രമണവും മൂലമുണ്ടായ പ്രയാസങ്ങൾ. അപ്രതീക്ഷിതമായ ഈ യഥാർഥ്യങ്ങൾ വിശ്വാസികളിൽ ഉണ്ടാക്കിയ പ്രയാസങ്ങൾ ചെറുതല്ല. ഇത്തരമൊരു സാഹചര്യത്തിൽ മതപരമായ സവിശേഷ പ്രാർഥനകൾ വ്യക്‌തികളിലും കുടുംബങ്ങളിലും മാനസികമായ കരുത്തു പകരുന്നതിനൊപ്പം പ്രകൃതിയിൽ ശുഭകരമായ മാറ്റങ്ങൾ ഉണ്ടാക്കാനും സഹായിക്കും; സംഘടനാ നേതാക്കൾ വിശദീകരിച്ചു.
ജില്ലാ ദഅവാ കാര്യസമിതിയുടെ ആഭിമുഖ്യത്തിലാണ് പ്രാർഥനാ സംഗമം സംഘടിപ്പിക്കുന്നത്. 23ന് ഞായർ രാത്രി 8.30 മുതൽ 10 വരെ ഇസ്‌ലാമിക് മീഡിയ മിഷൻ യൂട്യൂബ് ചാനലിൽ നടക്കുന്ന പരിപാടിയിൽ ഇന്ത്യൻ ഗ്രാൻഡ് മുഫ്‌തി കാന്തപുരം എപി അബൂബക്കർ മുസ്‌ലിയാർ പ്രാർഥനാ സംഗമത്തിന് നേതൃത്വം നൽകും. ജില്ലാ വൈസ് പ്രസിഡണ്ട് സയ്യിദ് കെകെ എസ് തങ്ങൾ പെരിന്തൽമണ്ണ പ്രാരംഭ പ്രാർത്ഥന നിർവഹിക്കും; ഭാരവാഹികൾ പറഞ്ഞു.
പ്രാർഥനാ സംഗമത്തിൽ ജില്ലാ സെക്രട്ടറി പികെഎം സഖാഫി ഇരിങ്ങല്ലൂർ സ്വാഗതം പറയും. ജില്ലാ പ്രസിഡണ്ട് കൂറ്റംമ്പാറ അബ്‌ദുറഹ്‌മാൻ ദാരിമി സന്ദേശ പ്രഭാഷണം നടത്തും. ജില്ലയിലെ മുഴുവൻ പ്രസ്‌ഥാന കുടുംബങ്ങളിലും ഖുർആൻ പാരായണം, നാരിയത്ത് സ്വലാത്ത്, മൻഖൂസ് മൗലീദ് പാരായണം എന്നിവ നടക്കും. ജില്ലയിലെ സാദാത്തുക്കളുടെയും സംഘടനാ നേതാക്കളുടെയും നേതൃത്വത്തിൽ നടക്കുന്ന പരിപാടിയിൽ സംഘടനാ കുടുംബത്തിലെ മുഴുവനാളുകളും പങ്കാളികളാകും.
ഇത് സംബന്ധിച്ച് നടന്ന ഓൺലൈൻ യോഗത്തിൽ കൂറ്റമ്പാറ അബ്‌ദുറഹ്‌മാൻ ദാരിമി അധ്യക്ഷത വഹിച്ചു. പിഎം മുസ്‌തഫ കോഡൂർ, എംഎന്‍ കുഞ്ഞഹമ്മദ് ഹാജി, വടശ്ശേരി ഹസന്‍ മുസ്‌ലിയാര്‍, സികെയു മൗലവി, പിഎസ്‌കെ ദാരിമി, പികെഎം സഖാഫി ഇരിങ്ങല്ലൂര്‍, ഊരകം അബ്‌ദുറഹ്‌മാൻ സഖാഫി, കെകെഎസ് തങ്ങൾ പെരിന്തൽമണ്ണ, സയ്യിദ് സ്വലാഹുദ്ധീൻ ബുഖാരി, പികെ ബശീര്‍ ഹാജി, അലവിക്കുട്ടി ഫൈസി എടക്കര, മുഹമ്മദ് ഹാജി മുന്നിയൂര്‍, കെപി ജമാല്‍ കരുളായി, എ അലിയാര്‍ കക്കാട് എന്നിവർ സംബന്ധിച്ചു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
