മലപ്പുറം: കുറ്റിപ്പുറത്ത് നിരോധിത പുകയില ഉല്‍പന്നങ്ങളുടെ വില്‍പനയുമായി ബന്ധപ്പെട്ട മുഖ്യപ്രതി പിടിയില്‍. വെളിയംകോട് സ്വദേശിയായ പുതുവീട്ടില്‍ ജംഷീര്‍ (32) ആണ് പിടിയിലായത്.
മൈദയും പഞ്ചസാരയും കൊണ്ടുവരുന്നതിന്റെ മറവില്‍ ലോറികളിലാണ് ഇയാള്‍ ലഹരി വസ്‌തുക്കള്‍ കടത്തിയിരുന്നത്. ഹരിയാന, ഡെല്‍ഹി തുടങ്ങിയ സംസ്‌ഥാനങ്ങളില്‍ നിന്ന് പുകയില ഉല്‍പന്നങ്ങള്‍ ബെംഗളൂരുവിലെത്തിച്ച് അവിടെ നിന്ന് കേരളത്തില്‍ കൊണ്ടുവന്ന് വിതരണം ചെയ്യുകയായിരുന്നു. കുറ്റിപ്പുറം പൊലീസാണ് ജംഷീറിനെ പിടികൂടിയത്. ചുരുങ്ങിയ കാലം കൊണ്ട് നേടിയ ഇയാളുടെ സമ്പത്തിന്റെ സ്രോതസ് അന്വേഷിക്കുമെന്ന് പൊലീസ് പറഞ്ഞു.
കഴിഞ്ഞ ദിവസം കുറ്റിപ്പുറം മൂടാലില്‍ നിന്ന് മൊത്ത വിതരണത്തിനായി നിരോധിത പുകയില ഉല്‍പന്നങ്ങള്‍ എത്തിക്കുന്നതിനിടെയാണ് ഒരാളെ പൊലീസ് അറസ്‌റ്റ്‌ ചെയ്‌തത്‌. 60 ചാക്ക് ഹാന്‍സും പിടികൂടിയിരുന്നു. പോലീസിന് ലഭിച്ച രഹസ്യ വിവരത്തെ തുടര്‍ന്ന് അഞ്ച് വാഹനങ്ങള്‍ കസ്‌റ്റഡിയില്‍ എടുത്ത് പരിശോധന നടത്തുകയായിരുന്നു.
Malabar News: ജാതിപ്പേര് പറഞ്ഞ് ആശംസ; ബിജെപി കൗൺസിലർ വിവാദത്തിൽ
