ബെംഗളൂരു: മുഖ്യമന്ത്രി സ്‌ഥാനം വേണമെങ്കിൽ 2500 കോടി നൽകിയാൽ മതിയെന്ന വാഗ്‌ദാനവുമായി ചിലർ തന്നെ സമീപിച്ചുവെന്ന വെളിപ്പെടുത്തലുമായി കർണാടകയിലെ മുതിർന്ന ബിജെപി എംഎൽഎയും മുൻ കേന്ദ്രമന്ത്രിയും ആയിരുന്ന ബസനഗൗഡ പാട്ടീൽ യത്‌നൽ. ഡെൽഹിയിൽ നിന്ന് എത്തിയവരാണ് പണം ആവശ്യപ്പെട്ടതെന്നും അദ്ദേഹം വ്യക്‌തമാക്കി.
നിയമസഭാ തിരഞ്ഞെടുപ്പിൽ സീറ്റ് തരപ്പെടുത്തി തരാമെന്നും കോൺഗ്രസ് അധ്യക്ഷ സോണിയാ ഗാന്ധിയുമായും ബിജെപി അധ്യക്ഷൻ ജെപി നഡ്ഡയുമായും കൂടിക്കാഴ്‌ചക്ക് അവസരം ഒരുക്കാമെന്നും അവർ അറിയിച്ചു. പണം നൽകി സ്‌ഥാനാർഥിയാക്കാമെന്നും മുഖ്യമന്ത്രിയാക്കാമെന്നും പറഞ്ഞ് സമീപിക്കുന്നവർക്ക് എതിരെ ജാഗ്രത പാലിക്കണമെന്നും പല രാഷ്‌ട്രീയ നേതാക്കളും ഇങ്ങനെ വഞ്ചിക്കപ്പെടുന്നുണ്ടെന്നും അദ്ദേഹം മുന്നറിയിപ്പ് നൽകി. ബെലഗാവിയിലെ ഒരു പൊതുയോഗത്തിൽ പ്രസംഗിക്കവേ ആയിരുന്നു മന്ത്രിയുടെ വെളിപ്പെടുത്തൽ.
അതേസമയം, എംഎൽഎയുടെ ആരോപണത്തെ പറ്റി അന്വേഷിക്കണമെന്ന് ആവശ്യപ്പെട്ട് കോൺഗ്രസ് രംഗത്തെത്തി. മുൻ കേന്ദ്രമന്ത്രിയായ യത്‌നലിന്റെ ആരോപണത്തെ ഗൗരവമായി എടുക്കണമെന്ന് കെപിസിസി അധ്യക്ഷൻ ഡികെ ശിവകുമാർ പറഞ്ഞു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
