അഭിമാന നിമിഷം; നേവിയുടെ ആദ്യ വനിതാ പൈലറ്റുമാരായി ശിവാംഗി, ശുഭാംഗി, ദിവ്യ

By Staff Reporter, Malabar News
MALABARNEWS-Naval-pilots
Ajwa Travels

കൊച്ചി: ഇന്ത്യന്‍ നാവിക സേനയിലെ ആദ്യ വനിതാ പൈലറ്റുമാരായി ശിവാംഗിയും, ശുഭാംഗിയും, ദിവ്യയും പരിശീലനം പൂര്‍ത്തിയാക്കി ചുമതല ഏറ്റെടുത്തു. കഴിഞ്ഞ ഡിസംബറില്‍ മൂന്നു പേരും പൈലറ്റുമാരായി യോഗ്യത നേടിയിരുന്നു.

എന്നാല്‍ സ്വന്തമായി വിമാനം പറത്താനുള്ള ഡോര്‍ണിയര്‍ ഓപ്പറേഷണല്‍ ഫ്ളൈയിങ് ട്രെയിനിങ് (DOFT) കൂടി പൂര്‍ത്തിയാക്കിയ ഇവര്‍ ഔദ്യോഗികമായി പുരസ്‌കാരം ഏറ്റുവാങ്ങിയത് ഇന്നാണ്.

കൊച്ചിയിലെ നാവിക സേന ആസ്‌ഥാനത്ത് നടന്ന ചടങ്ങില്‍ റിയര്‍ അഡ്‌മിറൽ ആന്റണി ജോര്‍ജ് പരിശീലനം പൂര്‍ത്തിയാക്കിയ പൈലറ്റുമാര്‍ക്ക് പുരസ്‌കാരം നല്‍കി. ആകെ 6 പേരാണ് പരിശീലനം പൂര്‍ത്തിയാക്കിയത്. ഐഎന്‍എസ് ഗരുഡയില്‍ വെച്ചാണ് ചടങ്ങ് നടന്നത്.

ഡെല്‍ഹി സ്വദേശി ലെഫ്. ദിവ്യ ശര്‍മ, ഉത്തര്‍പ്രദേശില്‍ നിന്നുള്ള ശുഭാംഗി സ്വരൂപ്, ബീഹാര്‍ സ്വദേശിയായ ശിവാംഗി എന്നിവരാണ് നാവിക സേനയുടെ ആദ്യ ബാച്ച് വനിതാ പൈലറ്റുമാരായി പരിശീലനം പൂര്‍ത്തിയാക്കിയത്.

ഇവരില്‍ ലെഫ്. ശിവാംഗി ആയിരുന്നു ആദ്യമായി നേവല്‍ പൈലറ്റായി യോഗ്യത നേടിയത്. 2019 ഡിസംബര്‍ 2-ന് ശിവാംഗി ആ നേട്ടം കൈവരിക്കുമ്പോള്‍ നൂറ്റാണ്ടുകളുടെ ചരിത്രമാണ് വഴി മാറിയത്. ഇന്ന് മൂവരും മറ്റൊരു നേട്ടത്തിലേക്ക് കൂടി കാലെടുത്ത് വെക്കുമ്പോള്‍ അത് ആയിരക്കണക്കിന് സ്‌ത്രീകള്‍ക്കാണ് പ്രചോദനമാവുന്നത്.

Read Also: സൗദിയില്‍ വീണ്ടും അംബാസിഡര്‍ പദവിയില്‍ വനിതയെ നിയമിച്ചു

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE