മലപ്പുറം: ഏഴ് ശൈലികളില് ഖുര്ആന് പാരായണം ചെയ്ത് നടക്കുന്ന മഅ്ദിന് ഗ്രാന്റ് മസ്ജിദിലെ ‘തിലാവ ഖത്മുൽ ഖുര്ആന്’ വേദി ശ്രദ്ധേയമാകുന്നു.
റമളാന് 1 മുതല് എല്ലാ ദിവസവും വൈകുന്നേരം 4.30 മുതല് 6.30 വരെയാണ് പാരായണം നടക്കുന്നത്. ലോകത്തെ വിവിധ ഭാഗങ്ങളില് പാരായണം ചെയ്യുന്ന ശൈലികള് സമന്വയിപ്പിച്ച് നടത്തപ്പെടുന്ന പരിപാടിക്ക് പ്രമുഖ ഹാഫിളീങ്ങളും ഖാരിഉകളുമാണ് നേതൃത്വം നല്കുന്നത്.
ഖുര്ആനിന്റെ പാരായണ സൗന്ദര്യം സമൂഹത്തിൽ എത്തിക്കുന്നതിനും വിവിധ പാരായണ ശൈലികളെ പരിചയപ്പെടുത്താനുമാണ് ഇത്തരമൊരു പരിപാടി സംഘടിപ്പിക്കുന്നതെന്ന് മഅ്ദിന് ഖുര്ആന് വിഭാഗം തലവന് ഖാരിഅ് അസ്ലം സഖാഫി മൂന്നിയൂര് പറഞ്ഞു.
ഹാഫിള് മുഹ്യദ്ധീന് കുട്ടി അദനി, ഹാഫിള് നഈം അദനി, ഹാഫിള് അനസ് അദനി, ഹാഫിള് സഹ്ൽ അദനി, ഹാഫിള് മിദ്ലാജ് വൈലത്തൂര് എന്നിവരാണ് വ്യത്യസ്ത ശൈലിയിലുള്ള ഖുര്ആന് പാരായണത്തിന് നേതൃത്വം നല്കുന്നത്.
വരും ദിവസങ്ങളില് കേരളത്തിനകത്തും പുറത്തുമുള്ള പ്രശസ്ത ഖുര്ആന് പണ്ഡിതര് പരിപാടിയില് സംബന്ധിക്കും. കോവിഡ് കാരണം ഓണ്ലൈനായാണ് സംപ്രേഷണം ചെയ്യുന്നത്. പരിപാടി വീക്ഷിക്കുന്നതിന് Youtube.com/MadinAcademy
Most Read: ആമസോണിന്റെ പേരിൽ വ്യാപക തട്ടിപ്പ്; മൊബൈലിലെ മുഴുവൻ ഡാറ്റയും ചോർത്തുന്ന ഹാക്കിങ്